ظلمت نفسي .. خساره كيف عليتك

جتك المشاعر تسوق الكره محتده
تشرح لك الوضع .. ليتك تفهمه ليتك

ما أبيه وقت ٍ معاك الله .. لايرده
عقب المحبة تراي بجد .. وطّيتك

دامي خسرتك ترى الصده هي الصده
في دار الاموات عن دنياي عديتك ..!

رح دوّر اللي عطاك الشوق وتوده
كان الخطا من خفوقي يوم حبيتك ..!

" الحب غلطه معك " يلعن ابو جده
لا عاش راسي تشوف أن كان ما أبكيتك

أعطيتك اللي تعجز الناس عن عده
ما فيه شي ٍ ( طلبته ) ثم رديتك ..!

لقيت دربك به الحسرات ممتده
ظلمت نفسي .. خساره كيف عليتك

سليت سيفك ب وجهي حيل .. وتحده
ما كني اللي نزفت الجرح وأغليتك ..!

العالم اللي دخلته ما أنت ب قّده
نسيت عمري وراك .. ولا تناسيتك

ابشر ب قسوة تبد الحيل .. وتهده
ومع كل هذا .. ترى ما ظني أوفيتك

ذكراك تبقى ب وسط الجوف مسوده
لو الليالي تعرفك زين .. ما جيتك ..!

خلاص كرهي تجاهك واصل .. حده
من نفس كاسك عطيتك كاس واسقيتك

ما أبيك وقت " الرخا " ولا أبيك ب الشده
مليت منها ( حياتك ) .. دام خليتك ..!

انهيت حبك وباب ( الهم ) ب اسده
ما عاد قلبي مثل ما كان .. هو " بيتك "

بعض المشاعر تموت .. ولا لها رده
ب الضبط مثلي .. نسفت الحب وانهيتك

يعطيك العافيه

الله يعافيكي منورة والله

يعطيك العافيه

الله يعافيكي

نورتي الموضوع

» اختبار نفسي ادخل وجرب
» عذراً لـ"نفسي "وسحقآ لـ"صمتي:|
» موري حاتم: "بعد العربيّة... أتحدّى نفسي بالإسبانيّة"

** ظلمت نفسي .. خساره كيف عليتك **

ظلمت نفسي .. خساره كيف عليتك