خلية النحل على طريقتي أنا SaraSisqo + الصور

بسم الله الرحمن الرحيم

كيفكم؟؟

اليوم عملت حلا مشان ناكلو عالسحور

و إسمو "خلية النحل"

انا عملتها بتكفي7 أشخاص على أفراد عيلتي

ازا عندكم مناسبة إستخدمو نص الكميّة

صورتلكم كل الخطوات :

المقادير:

3 كوب طحين
ربع كوب زيت
نص كوب ماء دافئ
8 مكعبات جبنة كيري
1 معلقة كبيرة خميرة
1 معلقة كبيرة سكّر
رشة ملح
1 كوب حليب سائل
............

هلأ في مرحلتين لتحضير هاي العجينة

* المرحلة الأولى:

رح ننستخدم من المقادير اللي فوق :
1 ونص كوب طحين
1 كوب حليب ساائل
نص كوب ماء دافئ
1 معلقة كبيرة خميرة
1 معلقة كبيرة سكّر
رشة ملح

أول شي بنحط الخميرة مع الماء "الماء مو ساخن ولا بارد انتبهو لازم يكون دافئ"

بعدين بنحط كل المقادير هاي في وعاء وبنخلطو منيح

(رح يكون أغلب الخليط سائل) يعني ما تقلقو من النتيجة

وبتتركو الخليط لمدة 10 دقائق بالضبط

...............

بعد 10 دقايق بتضيفو باقي الطحين و ربع كاسة الزيت فوق الخليط

وبتعجنو منيح

ملاحظة: ازا حسيتو انو العجينة فيها سائل كتير ضيفو طحين وازا حسيتوها ناشفة ضيفو حليب

بعدين هيك رح يسير شكل العجينة :

بتقطعو كل مكعّب كيري لـ 4 قطع :

وبتنتفو العجينة لقطع صغار

بتعملوهم دوائر وبتحشوا كل دائرة بقطعة جبنة

بتجيبو صينية وبتدهنوها زيت وبتصفوهم بهادا الشكل :

بعدين بتدخلوها بالفرن على درجة حرارة 160 لمدة 15 دقيقة :

وبعد التحمير بيطلع هادا الشكل النهائي:

وبــــــــــــــس

عفكرة مافي ولا حدا ساعدني فييييها حتى بالتصوير شفتو قدّيش مديرتكم مبدعة

يلا تفضّلو نتسحّرها سوااا