اقتراح جديد ومهم

هااي كيفكم؟

اعزروني على قلة وجودي بس والله المدرسة زي الزفت هالسنة

كل المواد ضاعفوهم علينا

تخيلو الرياضيات خلولنا اياه ٨ ساعااات

ف بالعافية بخلص دراستي كل يوم

وحاسة فيكم انو كلكم ممكن يكون عندكم ظروف

انا شايفة انو تقريباً كلكم بتدخلو كل يوم ٥ دقايق وما حدا بعمل شي

^ومنهم انا طبعاً

ف أنا قلت نستغل هال ٥ دقايق المتاحة النا من كل يوم ونعمل فيهم شي

يعني كل يوم نعمل ب ٥ دقايق شي بسيط

بالتخر بيطلع منّا شي عظيييم

خصوصاً لو كلنا اشتغلنا

ومن هون لعطلة عيد الاضحى بنكون خلصنا

وبمر سنة كاملة على اول هدية من منتدانا عملنالو اياها

ف انا بقترح نرجع نعمل شي ليوسف

باسم منتدانا

احنا كلنا بنحبوو كتيير وبدنا فرصة يشوفنا

لو تشوووفوو شو بعملولوو الجروبات اللي غيرنا

انا بقترح نعمل شي كتيير حلو ويلفت انتباه كل فانز يوسف

بننزلو عصفحتنا بالفيس بوك وتويتر

وانا بوصلّو اياه شخصياً عن طريق ادمن صفحاتو

بلييز اقترحوو شو نعمل عشان نجمّع الاقتراحات ونطلع بمشروع واحد بجنن

بتمنى ما تخزلوني وتساعدوني

وانا بأكدلكم انو لو عنجد اشتغلنا من قلبنا رح يطلع شي بجنن

اقتراح كتير حلو يا سو
بس انا ما عندى افكار
ياريت باقى الاعضاء يقترحوا وانا معكم باى شىء
ان شاء الله بس يهتموا شوى Sad

كلنا نفس الوضع !

بتوقع لو عملنا فيديو بس مش تصاميم واشياء وهيك يعني اشي جديد ما رح نضل احنا ع نفس الروتين فيدويو وتصاميم وغيروو

يعني فكررو شووي باشي جديد واشي بنقدرر نخلصو قبل عيد الاضحى ما يبدا :^

انا حابه كتيييير اشاركم بس انا ما بدخل كل يوم ولا حتى دقيقه لاني مو فاضيه بداوم مسائي بالمدرسه وبرح تعبانه وبدي ادرس وبصحى أدرس وكمان انا توجيهي يعني صعب أدخل كل يوم بس بقدر أدخل كل خميس

بالنسبه انو نعمل شي ليوسف فكره حلوه
بس انا ما عندي افكار بشوف اذا لقيت بحكيلكم
:-):-):-):-)

امممممممممممم معك حق ساره وانا هلأ يا دوب بدخل 5 دقايق ووبطلع

صح لساا اول الفصل بس والله المواد كتير كبيره وفي ضغط كتيررررر بالدراسـه

وانـــا ما عندي افككار جديده بس اي اشي رح تعملووه ان شاءالله اني بحااول

اسااعد فيه ...

يعطيكي الف عافيه ~

فكرة كثير حلوة وصح انه المنتدى ما اد مثل اول يعني هلأ علينا دراسة وما عنا وقت الفراغ

بس انشاء الله منفكر اقتراحات لنعمل تصميمات ليوسف

يعطيكي الف عافية

يعطيكي العافيه بس انا او انتو وكلنا عنا دراسه وانا في كمان زرف ايدي انكسرت ومارح اادر
فكرة حلوه وبتجنن
الله اوفئنا يارب

انا استعنت فيكم عشان تقولولي "ما عنا اقتراحات يعطيكي العافية"؟

ما حدا عندو فكرة معقووووول!!!!!!!!

أنا كان قصدي كل واحد فيكم يقول فكرتو عشان نجمعهم مع بعض ونطّلع شي حلو

مش لحالي اجيب الفكرة

امري ل الله اليوم بعصر مخي عالاخر وبدورلكم ع افكار

ما بدي تزعلو من كلامي بس انا ما بدي كل شي اكون عاملتو انا

كنت بقدر اروح لحالي واجيب فكرة واعملها واعطيها ليوسف

بس انا بدي اياكم انتو كمان

وعملتها مو عشان كل ما اتقدم خطوة واخبركم فيها تقولو "واو ممتاز ازا عنا شي بنقلك يعطيكي العافية"

بتمنى ردودكم الجاية يكون فيها مساعدة

شكرا لانكو قرأتو ورديتو يعني الحمدالله انو كلكم شفتو ❤❤❤

اقتراحك جميل ورائع يا سارة

بس انا اوعدك احاول افكر بشيء

ونعمله الى يوسف

واذا عندك افكار حلوة طرحيها

شو فيها

يعطيكي 1000 عافية على هذا الموضوع

بس انا اسف ما كنت ادخل هون بلمنتدى

لئن كنت مريض واليوم دخلت ورديت

انا عندي فكرة وان شاء الله تعجبكم

انا فكرت نرسم شجرة كبيرة

او جوهرة كرستال توضع فوقها صورة يوسف

ونوضع جميع اسامي الاغاني الي غناها يوسف

ب عرب ايدل ولحد هذة اللحظة

ومع موسيقى حلوة هادئة

مثل معزوفة بتهوفن او مونامور

شو رايكم ب اقتراحي

اذا عجبتكم انتو عليكم التنفيذ

اوكي

اقترااح حلوو مصعب وانــا في عندي اقترااح

مساابقه بس قبل هيك لازم يكون في تصويت ويلي بجمعوا

اعلى نسبة تصويت بصمموا صور يعني اخر 2 او 3 اعضااء وعدد الصور

ما لازم يقل عن 5 وهيك بنكون عملنا اشي ليووسف شوو رأأيككم ؟؟؟

شكراا كثير على رأيك

واقتراحك حلو كثير

ان شاء الله نعمل شيء حلو

شو .؟؟؟؟ اووقف ؟؟؟

ويينكم ؟؟؟ من 3 اسابيع ما شفت شي

انا بدور بدور فيدوهات ومافي كم واحد بس حكا فكرة

يعني انا اللي رح اعمل الفيديو ورح اركب الصور والصوت وانززلو وقلتلكم كل يوم 5 دقايق ومو ضروري كل يوم حتى لو كل خميس او مرة تدخلو وتقولو رأيكم!!

وكمان قلتلكم اني ما بدي اعملو لحالي ......

ما رح تموتو لو كتبتو فكرة يعني !!!

شكلي رح ألغي القصة وبعمريي ما اقترح شي عليكم لانو انتو بس بتقرأو كلامي وماحدا بعمل شي

واللي ببدأو معي بكونو 2 أو 3 فجأة بختفوو !!!!

طيب ماشي ما بدكم تقترحو ولا اشي يعني !

ممكن كل واحد منكم يعمل بطاقه تهنئه لعيد الاضحى بأسمو ليوسف وينزلها بموضوع رح اعملو انا

وانتو حركو مخكم ششووي معناااا

فككره بتجنن ملاك اعمليها واحنا معك ان شاءالله

طيب اه حلووة كتيير هالفكرة

وفي كمان انو كل واحد يكتب ليوسف اشي بخط ايدو

ويصور الورقة ويجيبها هوون

هلأ بالنسبة للترتيب كيف بدكم يكون؟؟

يعني شو نحط اول اشي؟؟

وفي كمان فكرة خطرت ببالي انو ما نحط اغنية

كل واحد يسجل صوتو ويقول شغلة ليوسف ويقول اسمو كمان

وبالنسبة للبنات ازا ما بدهم صوتهم يطلع يخلو واحد من الصغار يقول عنهم

وبتحملوه عالكمبيوتر وبتبعتولي اياه على ايميلي

[ندعوك للتسجيل في المنتدى أو التعريف بنفسك لمعاينة هذا الرابط]

والله افكارك حلوة يا سارة

والله عنجد ياسارة مثل ما قالت احلاك الى

برواس حسين

انا اقولك افكارك يجب ان تدرس

بس انا صوتي مش حلوو

ويعطيكي 1000 عافية

روعة فكراتك

ههههههههههه شكراً الك

لا احنا ما رح نغني بس نقول ليوسف كلمة

واقترحت عليكم ازا بدكم طفل يقول ويوقع باسمكم

بس ما بدنا نبين بنات لحالنا بدنا صوت رجال مصعب انت منقذنا

تسلملك ضحكتك الحلوة

اهاا هيك حلو

والله يا سارة اذا اسجل صوتي

وصار شي انا ما عليه

انتي تتحملين كافة المسؤولية

اذا انغلق النت او انطفت الكهرباء

هههههههههههههههههه

لئن انا اعرف حظي مصخم

طيب اووكي رح اعملهم واجيبهم الكم

وبالنسبه للصوت رح اشوف اخوي الصيغرر

طيب يلا؟

نبدأ التطبيق؟

طيب الفككره حلوه بس انا رح اكتب كتابه بخط ايدي وبصورها

وبحطهاا هوون بس كيف رح نعمل الصور طيب لو نعملهم بفيديوو

يعني كل الصوور يلي رح يعملوها الاعضاء ونحط معهااا اغنية ولا

ليله وبنفس الفيديوو بنحط تسجيلات الصووت شو رأيكـم ؟؟

أنا طبقت !

تفضلو هي اللي طلبتووه

[ندعوك للتسجيل في المنتدى أو التعريف بنفسك لمعاينة هذه الصورة]

يلا الباقي عليكم بالنسسبه للصوت انا ما ززبط معي

الاقتراح كتير حلو

واللى ملوكة سويته كمان كتير حلو

ان شاء الله بسوى شىء انا كمان

وان شاء الله نشوف تفاعل من باقى الاعضاء

» اقتراح افتتاح قسم جديد
» ستايل جديد
» ستاايل جديد
» ستآيل جديد للمنتدى
» نوع جديد من الفيروسات