عزفت الهم بالحاني

عزفت الهم يـا قلبـي انـا للهم ويـش عـزف

سوى جرحي ودمعي والأسى والضيـق واحزانـي

عزفت الهم يـا قلبـي وجرحـك بالدمـا ينـزف

وصارت حيرتـي عزفـي وأنـة قلبـي الحانـي

عزفت الهـم يـا قلبـي وعينـي دمعهـا يـذرف

عزفـت الهـم فـي اعمـاق اعماقـي ووجدانـي

وجيت الليل من خوفي وروحـي داخلـي ترجف

ووجه الصدق ودعني وصـوت الكـذب نادانـي

وجيت البحر بأشكي له وجـوي بالجفـا يعصـف

وموجه يستشف النـور مـن اطـراف شطئانـي

وجيت الروضه الخضراء بيـدي للـورود اقطـف

واثاري القهر جا يقطف زهوري من على اغصاني

انا مـن ويـن جابتنـي نهاياتـي اريـد اعـرف

وانا لا ويـن يـا عمـري قطـار العمـر ودانـي

انا ضاقت بـي الدنيـا وبوحـي صـار متوقف

ـانـادي للطمأنينـه وصـوت الخـوف يمـلانـي

انا في كل يوم اسمع عن افراحـي خبـر مؤسـف

انا في كل يـوم اجمـع جـروح ليومـي الثانـي

انا اللي حرت انا اللي ما قدرت استوعب الموقـف

انا اللي وقتـي استكبـر علـى طيبـي وعادانـي

انا اللي بالغلا قوّيـت مـن قلبـه يريـد اضعـف

نا ما قلت لما اوفيت شوفـو بـس مـا اوفانـي

انا اللي صرت من كثر النـدم شاعـر ومتفلسـف

وانا كثر الذكاء بأسبابه اصـرخ آآه مـا أغبانـي

وشف يا وقت كيف اصبحت غارق في همومي شف

وشف لي حل ياوقتـي يضمـد جـرح حرمانـي

انا شاعر غـدى معـروف حالـي مثلمـا تعـرفف

لايخفـاك حالـي لا ولاهـو الحـال يخفـانـي

عزفت الهم... كنت اعزف وقلبـي بالدمـا ينـزف

وعيني دمعها يـذرف ويرجـف نبـض شريانـي

يسلموو ع المووضووع الرائع
ولا تحرمنا من جديدك

تشرفت بمرووورك الرائع

:شكرا: :شكرا: :شكرا:

[ندعوك للتسجيل في المنتدى أو التعريف بنفسك لمعاينة هذه الصورة]

» عزفت دموعى على حياتى
» الهم في قلبي له سنين وسنين