مو مشكلة لن جات طعنه من أجناب
مهما يطول الوقت يرجى براها
المشكلة لن جات من ناسٍ قراب
يمكن أموت وموتتي من وراها
أقولها والقلب يامحمد منصاب
أقولها والروح زايد شقاها
طعنة وجتني دون ما أحسب لها حساب
من ناس ربي فارضٍ لي غلاها
شف عارضي شيب وأنا توني شاب
شف حالتي وأنته تقيم أساها
لا طاب لي نومي ولا الزاد لي طاب
نفسي عن اللذات حادي حداها
وقلبي مثل خيمة بها عمد وأطناب
والهم يسكنها ولاذ بحماها
وحتى الفرح عن دنيتي ياولد غاب
ثوب الحزن غطا متوني وكساها
وحالي مثل حالة يتامى وأغراب
ماحدٍ يواسيها ويجبر عزاها
وقال المثل
ما ضاع حقٍ لطلاب)
وأنا طلبت اللي عليًه قضاها
الواحد اللي بإسمه تحل الانشاب
اللي عرف جهر القلوب وخفاها
موضوع: طعنة القراب.....؟؟؟؟ 
الإثنين مايو 14, 2012 10:57 pm
اليومية
