نجوم الظهر!!!!

نجوم الظهر!!!!


أخليك أعله بالي بس اخليك
انجوم الظهر صَدكني أراويك

اشكد عذبت روحي
تعال أحسب اجروحي

أحسب جَم جرح الله لَينطيك
انجوم الظهر صدكني اَراويك

اوياك العمر خَلصته إبمأسي
بحياتي ماشفت مثلك يقاسي
بحبك واني شاب أوشاب راسي
اغدرت بيه وحسبتك أغلى ناسي

عسى الصدفه تجيبك
يلمعذب حَبيبك

الزمان ايفرك وبيدي يخليك
انجوم الظهر صدكني اراويك

رخص دمعي ابهواك اوجان غالي
ؤاشكد سَهرت عيني ليالي
جنت أول الناس وصرت تالي
اطلبك ثار والثار اعله بالي

وابد ماتطفى ناري
اله اخذ ابثاري

اشكد أذيتني أكثر أأذيك
انجوم الظهر صدكني اراويك

لا تنغر ترى دنياك مَتدوم
وراك اهموم يابو اهموم واهموم
وتوكع بيدي يلمغرور فد يوم
وَحق اعيونك احرم عينك النوم

مثل ما عذبتني
عذابك ما يهمني

تتعذب أشوفك وَاضحك أعليك
وانجوم الظهر صَدكَني اراويك

اسعدني مروورك الرائع