وحنيت احبه.. لو يطول غيابه..!!

ليت الورق "يقرا" وش اللي كتب فيه!!
وليت القلم يدري وش اللي جرى به!!‏
الغايب اللي يغري القلب طاريه..
ماقل قدره لو يطول غيابه،،
والشعر لو يفقد حروفه واساميه..
مدري وش بعدها ينبغى به..
احترت بين اعتب عليه واراضيه..
اخاف لايجرح رضاه بعتابه..!!
احيان..
اقول ابيه..
واحيان..ما ابيه..
إلا ابيه.. ولو يبي لي عذابه..!!
ياللي تجونه..
دامني ما اقدر اجيه..
'وصوا' ذهابه لا يشح بإيابه..
وقولوا له"اني من كثر ماني مغليه"
اشرب سرابه..
وارتوي من سرابه..
حنيت لأيامه..وضحكه.. ولياليه..
قبله وبعده..كل وقتي
( رتابه )
إن لمت قلبي ..عاقبتني محانيه!
وإن قلت بأرضى.. عز نفسي رقى به..
البارحه كنت اكسر الروح وانهيه..
كان الورق ارض ..
وعيوني سحابه..
زرعت"ما احبه " ولا عاد لي فيه..
وحنيت احبه.. لو يطول غيابه..!!

تشرفت بمروورك