خااااااااااااص الى نسيبة مبرووك النجاح

تذكير بمساهمة فاتح الموضوع :

مبروك .. يـا نـسـيبـة

بمناسبة نجاحها الباهر من الأساس الى الثانوي

مبروك يا نسيبة .. مبروك النجاح

ومبروك يا نسيبة ... مبروك الفلاح

كم ثابرتي والله .. بالليل والصباح

وكم كافحتي أجمل .... أنواع الكفاح

وكم صليتي فرضك وسألتي الإله

وكم نظمتي وقتك قريتي قرايه صاح

وكم شفقتي قلبي... تعبك لما لاح

في عيون المها .... والوجه الصباح

ومن كد وتعب نجاحو أحلى نجاح

والزول المثابر... دايما يكون مرتاح

مبروك يا نسيبة .. مبروك النجاح

ومبروك يا نسيبة ... مبروك الفلاح

أمك ياما تعبت وكم سهرت معاكي

تراجع ليكي دايما تصحح في خطاكي

وأبوك يا النجيبة..للخير كم هداكي

وبسأل ديمه ربو يشوفك في علاكي

سويتي العليكي وزدتي من دعاكي

ولطريق النجاح .. رب الكون هداكي

مبروك يا نسيبة خير من الله جاكي

أحمدي واشكري وكتري من دعاكي

شوفي الدنيا كيف.. بنجاحك سعيدة

وأمك يوم نجاحك أشرق نور خديده

مسرورة وسعيدة ونجاحك هو عيده

وزغرودة تماضر .... كملت النـشيـدا

وكل البيت فخور.. بيكي يا الفريدة

وما كفايه القصايد.. في يومك نـجـيده

لأن الفرحة أكبر من أروع قصيدة

الفرحة أجمل من مليون قصيدة

ومبروك النجاح .. يا بتي الرشيدة

وفي درب الفلاح خطاكي دوام سـديدة

واحفظها يا رب وامسك ربي إيده

في دروب النجاح .... وحياته السعيدة

مبروك يا نسيبة مبروك ألف مره

بي باهر نجاحك ... تجاوزنا المجـــرة

وبي صبرك وعزمك عرفنا المسرة

يا أغلى البنات ....... يا بتي المبــــرة

يا كنز النجابة ..صلاحك نورو بره

يحميكي الإله ... من الأذى والمضرة

وباكر تبقي لينا.. عالمة علومه ثره

وباكر تبقي لينا .... في سودانا غــرة

ومبروك النجاح مبروك ألف مرة

بي باهر نجاحك ... تجاوزنا المجــرة

ساهرتي الليالي .. وكم كتير ذاكرتي

واصلتي المسير لا كليتي لا قصرتي

بي جهدك وصبرك للنجاح أحرزتي

وعمرك ما حصل... لي ظننا خيبتي

راجعتي الدروس فهمتي ليها حفظتي

ما قصرتي تب ... وللكفاح واصلتي

مبروك النجاح ومبروك الفلاح يا بتي

وفي سفر العباقرة إسمك هناك كتبتي

[center]

[ندعوك للتسجيل في المنتدى أو التعريف بنفسك لمعاينة هذه الصورة]

الف الف مبروك النجاح ودوم النجاح والتفوق يارب ..........................*-*

[ندعوك للتسجيل في المنتدى أو التعريف بنفسك لمعاينة هذه الصورة]

» قصيدة بمناسبة النجاح
» شعر عن التفوق (والف مبرووك للناجحين).
» .../قل للقدر : مبرووك - مآخآب .. ظنّي ! .
» اكتشف سر النجاح
» عبارات تقود إلى النجاح