ﺍﺣـــــــــــــﻦ ﻟـــــــــــﻚ

ﺍﺣـــــــــــــﻦ ﻟـــــــــــﻚ

ﺃﺣﻦ ﻟﻚ ﻭﺣﻨﻴﻨﻲ ﻣﺜﻞ ﻃﻔﻞ ﻳﺎﻟﻐﻼ‌ ﻣﻔﻄﻮﻡ
ﺗﻌﻮﺩ ﻣﻦ ﺻﻐﺮﺳﻨﻪ ﻋﻠﻰ ﺣﻀﻦ ﺍﻣﻪ ﺍﻟﺪﺍﻓﻲ
ﺭﺿﻊ ﻣﻦ ﺻﺪﺭﻫﺎﺍﻟﺤﺐ ﻭﺟﻤﺎﻝ ﺍﻟﻔﻄﺮﻩ ﺍﻟﻤﻘﺴﻮﻡ
ﺑﻌﺪ ﺳﻨﺘﻴﻦ ﻣﻦ ﻋﻤﺮﻩ ﺗﻜﺪﺭﺟﻮﻩ ﺍﻟﺼﺎﻓﻲ
ﻏﺮﻳﺮﻣﺎﻋﺮﻑ ﻣﻌﻨﻰ ﺍﻟﻔﺮﺍﻕ ﻭﻟﻮﻋﺔ ﺍﻟﻤﻐﺮﻭﻡ
ﻭﻻ‌ﻛﻨﻪ ﻓﻘﺪ ﻟﻪ ﺣﺎﺟﺘﻦ ﻭﻟﻐﻴﺮﻫﺎ ﻋﺎﻓﻲ
ﺍﺑﻲ ﻣﻨﻚ ﺩﻗﻴﻘﻪ ﺑﺲ ﺗﻌﻄﻴﻦ ﺍﻟﺨﻴﺎﻝ ﺍﻟﺰﻭﻡ
ﻭﺷﻮﻓﻲ ﻣﻨﻈﺮ ﺍﻟﻄﻔﻞ ﺍﻟﺼﻐﻴﺮ ﻓﻲ ﺣﻀﻨﻬﺎﻏﺎﻓﻲ
ﺑﻌﺪ ﻣﻌﻴﺎ ﺟﺴﺪﻩ ﺍﻟﻄﺎﻫﺮ ﺍﺻﻴﺎﺣﻪ ﻏﻠﺒﻪ ﺍﻟﻨﻮﻡ
ﻭﻻ‌ﻣﻨﻪ ﺻﺤﻰ ﻳﻨﺪﻩ ﻳﺎﻳﻤﻪ ﻫﺎﺗﻲ ﺍﻟﺨﺎﻓﻲ
ﺗﺮﺍﻧﻲ ﻳﺎﺑﻌﺪ ﺭﻭﺣﻲ ﻣﺜﻞ ﻫﺎﻙ ﺍﻟﻄﻔﻞ ﻣﺤﺮﻭﻡ
ﺃﻫﻮﻣﺤﺮﻭﻡ ﺑﺎﻣﺮ ﺍﻣﻪ ﻭﺍﻧﺎ ﺑﺎﻣﺮﺍﻟﻬﻮﻯ ﺍﻟﺠﺎﻓﻲ
ﻟﻬﻴﺐ ﺍﻟﺸﻮﻕ ﻣﻊ ﻗﻞ ﺍﻟﻮﺻﻞ ﻳﻬﺰﻡ ﻋﺰﻳﺰ ﺍﻟﻘﻮﻡ
ﻭﻻ‌ﻳﻘﻮﻯ ﻋﻠﻰ ﺟﻤﺮﻩ ﺻﻤﻴﺪﻉ ﻓﻜﺮ ﻭﺳﻨﺎﻓﻲ
ﻣﻘﺎﺩﻳﺮ ﺗﻐﻴﺮ ﻓﻲ ﺣﻴﺎﺗﻲ ﺑﻴﻦ ﻟﻴﻞ ﻭﻳﻮﻡ
ﻭﺣﺒﻚ ﺛﺎﺑﺖ ﻓﻲ ﻭﺳﻂ ﻗﻠﺒﻲ ﻭﺍﻟﻌﻬﺪ ﻭﺍﻓﻲ
ﺭﺑﻴﻊ ﺍﻳﺎﻣﻲ ﺩﻧﻴﺎﻳﻪ ﺑﻌﺪ ﺷﻔﺘﻚ ﻣﻄﺮ ﻭﻏﻴﻮﻡ
ﻭﻋﻤﺮﻱ ﻗﺒﻞ ﺍﺣﺒﻚ ﻳﺎﻏﻼ‌ﻱ ﺳﻨﻴﻨﻪ ﻋﺠﺎﻓﻲ
ﻋﺮﻓﺖ ﺍﻥ ﺍﻟﺤﻴﺎﻩ ﺍﻟﻬﺎ ﻃﻌﻢ ﻳﺎﻓﺮﺣﺖ ﺍﻟﻤﻬﻤﻮﻡ
ﻭﺗﻐﻨﻴﺖ ﺑﺤﺮﻭﻑ ﺍﺳﻤﻚ ﻭﺭﺳﻤﻚ ﺯﺍﻥ ﺑﻪ ﻗﺎﻓﻲ
ﻋﻴﻮﻧﻚ ﻓﻲ ﺑﺤﺮﻫﺎ ﻳﻐﺮﻕ ﺍﻟﻌﺎﺷﻖ ﻭﻟﻮ ﻳﻌﻮﻡ
ﻭﺍﻧﺎ ﺑﻤﻮﺍﺟﻬﺎ ﻃﺒﻴﺖ ﻛﺜﺮ ﺍﻟﺸﻮﻕ ﻣﺠﺪﺍﻓﻲ
ﺑﺮﺩ ﻫﺎﻙ ﺍﻟﺜﻐﺮ ﻻ‌ﻣﻦ ﺗﺒﺴﻢ ﻟﻮﻟﻮ ﻣﻨﻈﻮﻡ
ﻭﺗﻮﺕ ﻳﺎﺣﻼ‌ﺗﻪ ﻣﺎﻗﻄﻔﻪ ﺍﻟﻐﺎﻭﻱ ﺍﻟﻬﺎﺍﻓﻲ
ﻭﺟﻴﺪ ﻣﻦ ﻋﻴﻮﺏ ﺍﻟﺸﻜﻞ ﻭﺭﺗﻮﺵ ﺍﻟﺰﻣﻦ ﻣﺤﺸﻮﻡ
ﻭﻣﺠﺪﻭﻝٍ ﺷﺒﻴﻪ ﺍﻟﻴﻞ ﺍﻻ‌ﺳﻮﺩ ﻓﻮﻕ ﺍﻻ‌ﻛﺘﺎﻓﻲ
ﻭﻋﻄﺮ ﺛﻴﺎﺑﻚ ﺍﻟﻤﻤﺰﻭﺝ ﺑﺎﺭﻳﺴﻲ ﻣﻊ ﺍﻟﻴﺸﻤﻮﻡ
ﺑﺪﻭﻥ ﻣﺠﺎﻣﻠﻪ ﺗﻌﺠﺰ ﺣﺮﻭﻑ ﺍﻟﺸﻌﺮ ﻭﻭﺻﺎﻓﻲ
ﻻ‌ﻧﻚ ﻓﻮﻕ ﻛﻞ ﺍﻟﻮﺻﻒ ﻳﺎﻏﺎﻳﺖ ﻣﻨﻰ ﺍﻟﻤﺤﺮﻭﻡ
ﺗﺸﻮﻡ ﺍﻟﻌﻴﻦ ﻋﻦ ﻏﻴﺮﻙ ﻭﺣﺒﻚ ﻳﺴﻜﻦ ﺷﻐﺎﻓﻲ
ﻭﻣﻬﻤﺎ ﺻﺎﺭﻣﻦ ﺩﻭﻧﻚ ﺻﺤﺎﺭﻱ ﻭﺍﻭﺩﻳﻪ ﻭﺣﺰﻭﻡ
ﻋﻠﻰ ﺷﺎﻧﻚ ﻗﻄﻌﺖ ﺍﻟﺒﻴﺪ ﻟﻮ ﺍﻥ ﺍﻟﻘﺪﻡ ﺣﺎﻓﻲ

امين ي رب اجمعين
اسعدني مرورك المتواضع

:شكرا:


:مم:


:ممو:

يجزاك خير
نورتي متصفحي المتواضع