قسوة الايام
كلنٍ يدينه في يدين الحبايب...إلا انا اطرد سراب بحياتي
كل ما نويت احب رديت خايب...وماتت معايه بالهوى امنياتي
يا شرهتي بالحلم والقلب ذايب...اوهام ما اسرع ما تطير بشتاتي
يا قسوة الايام ليه الطلايب...وانا اللذي ضيعت بسمة شفاتي
يا راس مالي هالدموع السكايب...وجرح الخفوق اللي بقى ذكرياتي
دايم يذكرني نسيم الهبايب...في واقعي وبحسرتي وبشفاتي
لا تعتذر بالوقت انت السبايب...خليتني ارحل بعبره بسكاتي
عزاه لك ياقلب ما ظن طايب...ما اكثر جروحك وانت صبرك ثباتي
ليه الفرح ياليل شد الركايب...كني غريبٍ عنه ما مر ذاتي
ارحل اسافر له والقاه غايب...وارجع وحيد لغربتي ولمماتي
خانت بي الدنيا وشفت العجايب..وسط البحر ضيعت مركب نجاتي
خلاص برحل ياهلي والقرايب...على الهوى والشوق بعلن وفاتي
اهـــــــــ(خاص)ـــــــــــــداء
موضوع: قسوة الايام 
الجمعة يونيو 29, 2012 5:37 pm
اليومية
