خذ قلبي معك ما عاد لي فيه حاجه

أرجوك خذ قلبي معك لا تخليه
أخذه ترى ما عاد لي فيه حاجه
لا صرت عني مبعد وش أبي فيه
خله معك ما دام صعب أنتواجه
أول خفوقي صوتك العذب يحييه
واليوم ما حصلت غير أنزعاجه
نوره طفى من عقب ما كنت مضويه
عقبك خفوقي بات مطفي سراجه
مالي مزاج أحب غيرك وأحاكيه
حتى لو أني كنت داخل مزاجه
غلاك مهما كان ماني بناسيه
منساه لو غيرك ضحك لي حجاجه
كن النظر من يوم ما غبت معميه
أحرقت قلبي وأنت سبة أحراجه
كمل جميلك طالبك لا تخليه
أخذه ترى ما عاد لي فيه حاجه