طويناهــا صفحتـك وإنتهـى الموضـوع

طويناهــا صفحتـك وإنتهـى الموضـوع
فعـل ماضـي صفيـت وخلصـت المـده

إشـتتوقع ابـوس اجدامــك من تــروح؟
واسـحك كبريائــي واطلب النجــــده؟

صـح جدمـي عثـر من شـفت طـولك لآح
... لكــن مـآ نخيتــك من طحـت عمــده

توجيـت إعلـى جرحـي وماطـلبت العـون
لان ادري اليطيــح إجفوفــه اللي تســنده

صـح الكــمر اكــبر والنجــوم ازغــــــار
بـس تحلــى الســما مـو بالكـمر وحده

واذا سـاكت تــره مـو لان ماكــو السـان
مــرات الصــمت من الحجــي ابـده

وجـف المـا يصـافح جفــك بالإحسـاس
لا تعـتب عليــه وتنتخـــي بــزنــده

مـن اكــتب شــعر لاتعتقــد بطــران
البـلابل بالقفــص من ظيمهــا مغـرده

ماصــدك بعــد دمعــاتك مــن إطيـــح
هـم يهمـل دمعهـا العيــن لورمـــده

روح بلا وداع وكــل أثـر مـاريـــــد
اليكــتب عالرمــل يعـرف قـدر كتبــه

اليكــتب عالرمــل يعـرف قـدر كتبــه...

راقت لي

:شكرا: