صينية الدجاج مع الجزر و البزاليا بالفرن و بالصور (مهرجان صواني)

بسم الله الرحمن الرحيم و به نستعين

السلام عليكم جميعآآآآآآآآآآآ و رحمة الله و بركاته

أول شي بحييكن كلكن , من أرض الشام بسورية و بتمنى تقبلوني عضوة جديدة معكن
طبعآ
هي أول مشاركة إلي بهالمنتدى , و مشان هيك حبيت نزل أكلة كتير طيبة و
مميزة , و طعمتها غير شكل و اللي شجعني إني نزل هالأكلة بالذات إني عملت
كتيييير بحث عالنت و ما لقيتها نازلة قبل هلأ , فبعتقد إنه راح تلاقو
الأكلة جديدة و يااااااااااارب إنها تعجبكن , و هيي أكلة طيبة و مغذية و
مفيدة و مناسبة لرمضان

هالأكلة
اتعلمتها من وحدة صديقتي بالشغل و هيي متعلمتها من إمها , و إمها من حلبية
من أصل تركي , يعني هالأكلة بالأصل تركية , و نحن منعرف إنه المطبخ الحلبي
عنا بسورية غني و متنوع و لذيذ و خاصة إنه متأثر بالمطبخ التركي العريق .

راح نبلش على بركات الله ,

يالله بسم الله

المقادير ,

أربع فخاد دجاج أو ما يعادل نصف فروج كامل

و بقية المقادير مناسبة لكمية الدجاح الموجودة

نصف كوب ليمون معصور
نصف كوب من زيت الزيتون ( لازم زيت زيتون مو أي زيت تاني )
ملعقة صغيرة من مسحوق بزر الكزبرة

[ندعوك للتسجيل في المنتدى أو التعريف بنفسك لمعاينة هذه الصورة]

جزر مقطع دوائر رقيقة

كمية من البزاليا

طبعآ كمية الجزر و البزاليا على قد صينية الطبخ

ملح

كمون
ورق غار
قرفة
هيل
بهار مشكل ( أي تشكيلة بهار معتمدة عندك للطبخ )
بصلة مقشرة

الطريقة :

نضع أفخاد الدجاج بالطنجرة على النار مع كمية مناسبة من الماء , و نضع البصلة المقشرة

ننتظر قليلآ حتى تظهر الرغوة ثم نقوم بإزالة هذه الرغوة عن وجه الماء

و
بعد هيك , نضع ورق الغار و الهيل و القرفة و الكمون و البهار و نتقصد وضع
كمية زائدة من القرفة و الكمون و البهار و الملح ( لأنه راح يدخل عنا بعد
هيك بقية المقادير)

نقوم بسلق الدجاج لينضج فقط نصف نضوج

[ندعوك للتسجيل في المنتدى أو التعريف بنفسك لمعاينة هذه الصورة]

الآن
نخرج الدجاج من الطنجرة و نقسم كل فخد قسمين بعد تقشيره ( في حال استخدام
فروج كامل بدلآ من افخاد الدجاج نقوم بقطع الفروج لقطع أصغر)

[ندعوك للتسجيل في المنتدى أو التعريف بنفسك لمعاينة هذه الصورة]

نضع القطع بالصينية و نضع الجزر و البزاليا حولها و شوية ملح مشان الخضار

[ندعوك للتسجيل في المنتدى أو التعريف بنفسك لمعاينة هذه الصورة]

ثم نصفي مرق الدجاج لتغمر مكونات الصينية حتى ثلاثة أرباع قطع الدجاج فقط ( و بأكد مرة تانية فقط حتى حوالي ثلاثة أرباع القطع )

الآن : نضع زيت الزيتون و الليمون و الكزبرة في نفس الوعاء و نخلطها جيدآ

[ندعوك للتسجيل في المنتدى أو التعريف بنفسك لمعاينة هذه الصورة]

يتبع

ثم نقوم بصب الخليط بهدوء فوق المرقة في الصينية , بحيث الآن تتغطى مكونات الصينية حتى تنغمر لأعلاها

[ندعوك للتسجيل في المنتدى أو التعريف بنفسك لمعاينة هذه الصورة]

الآن نضع الصينية بالفرن , و نشعل من فوق و من تحت

[ندعوك للتسجيل في المنتدى أو التعريف بنفسك لمعاينة هذه الصورة]

هلأ في ملاحظة كتير مهمة : و هيي
إنه راح نلاقي مرقة الصينية صارت تتبخر , راح نتركها تتبخر لإنه هون سر
هالطبخة , لمن المرقة بتتبخر بتقل كميتها و بتنزل و بالتالي الليمون و
الزيت اللي عالوجه راح يمتصهن لحم الدجاح , فاللحم بييكتسب طعمة الليمون و
الكزبرة و بيقرمش , و بيطلع الدجاج مقرمش بطعم الليمون مع الكزبرة و هيي
نكهة كتييييييييييييير طيبة ( و طبعآ زيت الزيتون هوي الزيت اللي بيقرمش
اللحم , و هادا سر خبرتني ياه رفيقتي الله يجزيها الخير )

و طبعآ كل شوي راح نحرك على مهلنا الخضار اللي على وجه الصينية بملعقة طويلة

و ننتظر حتى تجف حوالي ثلاثة أرباع المرقة و هيك بيكون اللحم مو بس استوى كمان صار مقرمش و اكتسب النكهة الطييييييييييبة

هون بالصورة , انقطعت الكهربا فاضطريت طلع الصينية على الغاز و كمل طبخها عليه

[ندعوك للتسجيل في المنتدى أو التعريف بنفسك لمعاينة هذه الصورة]

و هيك بتكون الطبخة صارت جاهزة للأكل متل ما شايفين

[ندعوك للتسجيل في المنتدى أو التعريف بنفسك لمعاينة هذه الصورة]

و صدقوني راح تاكلو أصابيعكن وراها

و ألف صحة و هنا

و هادا أول موضوع إلي و بتمنى تشجعوني و لاقي ردود حلوة منكن

و السلام عليكم

يسلموووووو

يعطيك العافيــــــــــه

مشكووووووووور

» مهرجان سيدني للأغذية في استراليا
» اهمية الجزر المسلوق 2013
» صينية كيكة بالشوكولاتة
» اسكالوب الدجاج بالمكرونة
» نجوى كرم و إطلالتها في مهرجان كان السينمائي