الباسمشكات سيدة المائدة الشامية الرمضانية بلا منازع قنابل دمشقية موقوتة!!!

[img:bf61][ندعوك للتسجيل في المنتدى أو التعريف بنفسك لمعاينة هذا الرابط]

تحية من أرض الشام معطرة بالياسمين الشامي و العراتلي و الفل مني أنا إيثار الشام ممزوجة بسلام حااااااااااار معطر بالصلاة على النبي حبيبات قلبي , أكلتنا اليوم هيي عبارة

عننننننننننننننننننننننننن( قنابل ) و موقوتة كمان ئي , قنابل , لا تستغربوا , و هي صورة

[ندعوك للتسجيل في المنتدى أو التعريف بنفسك لمعاينة هذه الصورة]

طبعآ هي الصورة للتشويق و الترغيب , مو للتخويف

و هلأ , يا نور عيوني راح نفوت بالتفاصيل

اسم الأكلة : الباسمشكات أو ( يقال لها الخواصر) , هلأ , راح نعرف سبب هالاسم ,

المهم : بنجيب من عند
اللحام شقف لحمة مسطحة , موجودة بفخد الخاروف , هي الشقف , أكيد اللحام
بيعرفها , و هيي شقف لحمة هبرة و مغطاة بشوية دهن و لكن متل ما قلنا مسطحة
, و في منها كمان بخواصر الخروف , و لكن بتكون دهنتها أكتر

نحن , هون جايبينها من يلي موجودة بفخد الخروف , متل مو شايفين بالصورة

[ندعوك للتسجيل في المنتدى أو التعريف بنفسك لمعاينة هذه الصورة]

هلأ , لازم نفصَّل هالشقف , بحيث فينا نطبقها على بعضها و نخيطها بالخيط , و هون الموضوع بدو شوية مهارة من ست البيتبالصورة
, في شقفة لحمة لحالا بالطرف ( يلي على شكل مثلث ) , راح نقطعها بالسكين و
نرقع فيها شقفة تانية , و الشقفة يلي ضلت راح نحاول نطبقها على بعضها و
نخيطها , و طبعآ الثقب يلي باين كمان راح نخيطو و نسدو , أو إذا بدك تخففي
الدهنة , بتشيلي الدهنة يلي باينة بالسكين و و بتطبقي الشقف الباقية مع
بعضها لتخيطيها , ( سامحوني كترت حكي )

[ندعوك للتسجيل في المنتدى أو التعريف بنفسك لمعاينة هذه الصورة]

شوفو هالصورة هون , كيف حطينا شقفة تحت , و فوقها شقفة أصغر , و مشان هيك
طوينا الشقفة يلي تحت لتكمل المساحة يلي فوق , يعني ممكن الشقفة نطبقها و
نخيطها على بعضها متل ما هيي أو نقصها بالسكين , نطبقها على شقفة تانية (
حسب الشقف يلي عنا )و هلأ راح نخيط الأطراف على بعضها بالإبرة و الخيط متل مو شايفين

[ندعوك للتسجيل في المنتدى أو التعريف بنفسك لمعاينة هذه الصورة]

, و راح نترك فراغ ضغير , لندخل الحشوةالحشوة
( متل حشوة المحاشي ) رز مصري منقوع و مغسول , و بنحط معه لحمة هبرة نية
مفرومة , ما كترنا لحمة , لإنه بالأصل نحن عم نحشي لحمة , و عصفر و ملح و
كمون , و بهار من يلي عندك للطبخ

[ندعوك للتسجيل في المنتدى أو التعريف بنفسك لمعاينة هذه الصورة]

هلأ , راح نحط حشوة , بس مارح نكتر , يعني قد نص
الفراغ الموجود بقلب اللحمة المخيطة , ( لأن الرز راح يينفش عالطبخ , و
اللحمة بتكش , يعني بتتقلص )و
بعدين راح نكمل خياطة لنسكر الخاصرة , و راح نغز راس السكين , شي تلت ,
أربع مرات على كلي الوجهين لنعمل تقوب ضغيرة جدآ , لدخول المرقة

[ندعوك للتسجيل في المنتدى أو التعريف بنفسك لمعاينة هذه الصورة]

و بنفس الطريقة , راح نكمل باقي الشقفو
بعدين , بنجيب طنجرة , حجمها مناسب للكمية يلي عنا , و بنحط الخواصر أو
البساسمشكات بقلبها , و بنغمرها بالمي و بنشعل الغاز , و أكيد بالأول راح
تطلع رغوة أو زفرة على وجه المي , بنشيلها بالكفكير , و بعدين بنحط بصلة و
ورق غار , و رشة بهار خفيفة , و ملحو بس تغلي الطنجرة , راح نوطي النار تحتها , و نستنى لتستوي ( ممكن تاخد وسطيآ ساعتين عالنار )

[ندعوك للتسجيل في المنتدى أو التعريف بنفسك لمعاينة هذه الصورة]

أول ما بتستوي بنطفي تحت الطنجرة و بنشيل الباسمشكات مباشرة يعني , لا تخليها بمرقتها بعد ما تطفي الغاز, مشان ما ينفش الرز أكتر

[ندعوك للتسجيل في المنتدى أو التعريف بنفسك لمعاينة هذه الصورة]

حطي القنبلة بالصحن , و امسكي الخيط من أوله و شديه على مهلك , راح يطلع
بسهولة , و حاولي تحافظي على شكل الخاصرة متل ما هوي ( قولي بسم الله و
اتوكلي على الله و دوووووووووقي )و بالنسبة للطعم , شو بدي إحكي ؟؟؟؟و
الله طعمها خيااااااااااااال و بيجنن و كتييير طيب , و بدي إوصفه , و ما
عم أعرف كيف , بصراحة , هالأكلة طيبة جدآ جدآ , و بدون مبالغة , من أطيب
الأكلات الشامية , و الشوام بيعملوها برمضان , ممكن أول يوم , او لمن بدن
ييعزموا العيلة و يعملوا لمة برمضان , فهالأكلة أكيد حاضرة على لمات العيلة
.جربوها و أكيد راح تدعولي

ملاحظة : زاد عنا شوية حشوة , فماما , طلعت من الفريزر , ورق عنب , و حشتو
يبرق بالحشوة الزايدة , و طبختهن تاني يوم بمرقة الباسمشكات , و طلع
اليبرق ( ورق العنب المحشي ) طعمته كتييييييييير طيبة و بتجنن

( بتمنى إني ما كون طولت عليكن , و إلكن مني أحلى تحية , أزكى سلااااااااااااام )

يا حراام عذبو اللحمه

وعذبوها اكتر لما ياكلوها

الله يعينها

يسلموووو

» المائدة الصحية في رمضان كيف تكون ؟!
» مسابقة التصوير الرمضانية ..~
» مجموعه كبييييييييييييرة من التواقيع الرمضانية الراااااااااااااائعه
» ۩ المسابقة الرمضانية ۩ ختم القرآن الكريم ..~
» مسابقة التصوير الرمضانية ..~ [تصويت]