ليالي الندم

موضوع: ليالي الندم الإثنين أغسطس 27, 2012 6:02 pm

يا حروفي والليالي بالندم
أضرب أخماسي ولا حولي مجيب
مركي ٍ كوعي على ضلع الحلم
ودمعتن طاحت تردّد بالنصيب
شاعر ٍ ما يمتلك فلس وخدم
يملك العزّه سواها ما يصيب
لو تجرّدنا وماضينا عدم
وش هو الحاضر وصاحيها عطيب
ما ملينا بالورق لحظة ألم
والألم وش لون للحرمه نسيب
لبّس الطّربوش بدماغ الجلم
وإستلم دفّة سفينه لصّحيب
خلّها قدّام سنّك تبتسم
وأقرع الكاسه على ضوّ الحبيب
النجوم اللي ضواها بالظلم
تشترق شمسن مواريها مغيب
يا ربيع الوقت والوقت انبلم
باخر الصفحات عزّن يستعيب
تبكي الصفحه مخاطيط القلم
تحت شمعه بالعزا ماله رقيب
وين راحت بالسيوف وبالقمم
مجدنا اللي بالمشارف والعريب
لا تجدّد بالورق منزوف دم
فتّق المجروح والجرح الطبيب
إسمع أنفاسي ولو مابه نسم
يارفيقن خانني وين القريب
وسط وقتن بالتشابه والكلم
كلن السانه كتم حين القنيب
وش يقولون اخويانا بل علم
رايكم معلوم ما عنه نخيب
كلنا وسط ابدماهم نستحم
والمضاحك بالنفل والريح طيب
سدّد اذنك وارتقص بين النغم
ما علينا دام للبترول بيب
وش تبينا للعشا نذبح غنم
ونختم الكبسه على طاسة حليب
السوالف ماهي ابقولت نعم
مذهبك ينجيك من سوط اللهيب
باكر اتدور الليالي والطعم
مرها حالي وحاليها مشيب

واااااااااااااااااااااااااااو روووووعة

[ندعوك للتسجيل في المنتدى أو التعريف بنفسك لمعاينة هذه الصورة]

منورين

» من اشعار ليالي
» طريقة عمل ليالي لبنان
» ليت الندم يفيد .. وأتندّم
» الندم ام الظلم ام الخيانه