الخيال .... الخيال

الخيال بتاعنا ده مشكلة بجد مشكلة فظيعة بس انا هاخد من الخيال جزء معين عن الجواز والعرسان .

اولا تيجي مرة والدتك تقولك ياحبيبتي في عريس ابن صحبتي جاي يتقدملك انا مش شوفته بس هما بيقولوا انه حلو تقعد بقي البنت مننا تفكر وتتخيل شكل العريس طول بعرض عين خضرا شعر اصفر ابيضاني وحلوة وايه كل البنات بتتمناه وهي هتبقي سعيدة الحظ ليه واول اما تشوف عريسنا تتصدم صدمة العمر وتقول ده الاهبل اللي انا هجوزه ومش في غيري لا ابدا مش موافقة ياماما لازم اخلص تعليمي لازم اثبت نفسي وهكذا .

ثانيا تيجي الام بردك وتقولك ياحبيبي انا لقيت عروسة بنت صحبتي او اي شخص وبيقولوا متعلمة وحلوة يارب تكون من نصيبك هنروحلها بليل ان شاء الله ايا كان اليوم تيجي انت بقي تقعد تفكر وتتخيل اكيد حلوة وبيضا واه عينها مش ملونة بس لايقة علي وشها وقمر ومش عارف ايه ، تروح تشوف تقول انا اجوز الهبلة ديه ديه سنتها واقعة ديه حولة لالا خليها بعدين ياماما انا لازم اركز في شغلي دلوقتي .

ثالثا واحدة صاحبتنا تكون بتحب زميلها ويجي بقي عشان يتقدملها تقعد بقي توصف لولدتها ده قمر ده احلي واحد شوفته في حياتي ده احلي من بابا اللي انتي خدتيه ده مش عارفة علي ايه ، ده طول بعرض راجل راجل يعني تيجي الام تشوفوه تقولها ايه يابنتي ده هو ده الطول بالعرض علي رأي المثل القرد في عين أمه غزال . ايه ياحاجة هو انا بحبه ولا خلفته .

رابعا يجي واحد صاحبنا بيحب زميلته وويوصف لوالدتها شكلها ديه قمر ياماما ديه احلي بنت شوفتها في حياتي ديه احلي منك مش تزعلي يعني ياماما بس بقول الحق ديه ايه اخلاق وادب وكويسة اوي يجي اليوم المنشود تشوفها الام تقول ايه ده هو ابني اتحول ولا ايه ديه حلوة ديه ونفس المثل بردك القرد في عين امه غزال . ايه ياحجة هو انا بحبها ولا خلفتها .

وهكذا أمثلة كتيرة جدا علي التخيلات الفظيعة اللي بتوقعنا في ضحك رهيب

يعطيك العافية

يسلموووووووووووو

» أحلام بطعم الخيال ...!!!!!!!!
» الحقيقه احيانا اغرب من الخيال
» هل الي شفته وعشته من وحي الخيال ام كابوس بمنامي؟!/بقلمي