مرحب هـلا بالحـب حنـا العناويـن

مرحب هـلا بالحـب حنـا العناويـن

البارحـه نامـت عيونـي وشـافـك
لقلب شافك قبل ماتشوفـك العيـن
في ليلـة قمـرا لهـا مـن صفاتـك
ومن طيب ذكرك زادها زين × زين
ومن نورها الي وسط قلبك وذاتـك
يسمو بها ذكرك واسمـك وحرفيـن
لاح الخيال بجـوف صـدري وضافـك
واخفيت نبضي في ثيابي عن ادنين
والخوف من شوقي يجي عنـد بابـك
والقى العواذل يحترونـي برمحيـن
رمحٍ يصيب القلب ورمـح يعـدا لـك
ونقضي العمر بافكار نـاس غريبيـن
ليت الرياح الي غـدت بـه بدالـك
مابدلـت قلبيـن كانـوا وليفـيـن
ليت القدر يوم انكتب لـي سعابـك
وما راح عمري بالسهـر والدواويـن
فالليل اهوجس بـك ويظهـر خيالـك
واخفيه عن كل المـلا بيـن جفنيـن
العـام خـال البـال واليـوم جابـك
تجري بمجرى الدم بيـن الشراييـن
مااحدٍ درى بالقلب يومه صفـا لـك
ولااحد عرف عن لوعة الحب والبيـن
قام السهر في عالمي واحتفـى بـك
قدم مراسيـم الحفـل ليـل الأثنيـن
حضرت نجـوم مـع قمرهـا تشابـك
وغنت لهـم بدموعهـا عنـي العيـن
ورقص لهم فكري وقلبي غـدا لـك
وانـت ملكتـه والمحبـه براهـيـن
لا وهنـي قلـب بحبـه سـمـا لــك
ماهمنـا لـو قيـل عنـاا المجانـيـن
ان كان تهمتنـا الوفـا مـع غلاتـك
مرحب هـلا بالحـب حنـا العناويـن
__________________

جمييييييييييييل



يسلمووو

:شكرا: