اسئله صريحه محتاجة اجوبةجريئه

1- قبل اسمك ماذا تحب أن تكتب ؟

miss ههههههههههههه ما بعرف بس انا فعلا مس انجلش فهكتب مس

2- حيوان تشعر انه مظلوم ؟

هههههههههه سورى يا جماعة بس الحمار دايما بيتشتم ويتضرب مع انه بيعمل لصاحبه حاجات كتير

3- حقيبة اسرارك عند من تودعها ؟

عند اجندتى اليومية

4- أحد علماء النفس قال ذات مرة : أنه باستطاعة الانسان العيش من دون اصدقاء .. ماذا ترى أنت؟؟

ايوه عادى انا ممكن اعيش بكل سهولة من غير اصدقاء

5- أين تأخذك ذروة الغضب ؟

البكاء


6- ما أجمل شيء في الاسلام ؟

كل شىء فى الاسلام رائع سبحان الله بجد كل ما الواحد يفكر فى حاجة حصلتله يلاقى ربنا حذره منها كتير قبل ما تحصل بس من غباء الشخص ما اخدش باله من التحذير عموما دينا دين التسامح والعطف والحب والاخوة وكل شىء


7- لماذا لم تصبح مشهورا ؟

اممممممممممممم معنديش موهبة تؤهلنى انى ابقى مشهورة مثلا

اوى لانى اصلا خجولة بطبعى ومبحبش الشهرة

8- متى يعاندك النسيان ؟

النسيان بيعاندنى مع كل حاجة وحشة حصلتلى عمرى ما بنساها

وكمان بيعاندنى مع كل حاجة حلوة لانى بنساها بسرعة

9- متى يقسو قلبك ؟

عندما ارى ظلم

10- هل حدث أن انتصرت على نفسك يوما وأحصيت عيوبك ؟

بتحصل كتير

الحمد لله انا من النوع اللى بيحاسب نفسه ولو عاملة شىء غلط او مزعله حد مبعرفش انام

11- ما هو انطباعك عن السياسه ؟


صداااااااااااااااااااع


بس لا مفر منها دلوقتى كلنا لازم نعرف فى السياسة

12- متى تخجل من نفسك ؟

لما اظلم حد بدون قصد طبعا


13- ماهو هدفك بالحياة؟

هدفى فى الحياة انى اغير حاجات كتير فى بلدى

اولها اللى فى متناول ايدى وهو التعليم لانى بما انى بدرس انجلش فانا جزء من المنظومة التعليمية

ولازم اساهم فى تحسينها

14- ضمن من تصنف نفسك سلبي ام ايجابي؟

نص نص فى حاجات سلبية وحاجات ايجابية


15- رتب هذه الكلمات حسب الافضليه لديك
الصحه_المال_الأم_الخروج للترفيه_الحصول على اعلى المناصب_راحة البال


الام

راحة البال

الصحة

المال

الحصول ع اعلى المناصب

الخروج للترفيه


16- عندما يحتد النقاش وتحس انك تناقش موضوع لا جدوى من مناقشته لانه لن يتغير الوضع ماذا تفعل؟

اخرج من المناقشة فورا ودا مش انسحاب لكن لو فى فايدة من المناقشة يعنى لو هستفاد او افيد حد من المناقشة بستمر للاخر حتى لو استمرت ساعات لكن لو المناقشة بلا فائدة فملهاش لازمة انى استمر فيها

17- عندما تتناقش ايضافي موضوع وفي النهايه بعد اصرار منك بالبدايه انك على حق فتكتشف ان الذي امامك على حق ماذا يكون ردة فعلك؟

عادى بعتذر وبتقبل الراى الاخر بكل سماحة ورحابة صدر


18- لو تفاجئت بخيانه شخص عزيز ايا كان كيف تتصرف معه؟

عادى بقوله مع السلامة واقطع صفحته من كتاب حياتى تماما حتى لو عمل ايه بعد كدا عمرى ما بسمح برجوعه فى حياتى

19- لو طلب منك تولي منصب الوزير من تختار من الوزارات وماهي قراراتك؟

مستحيل اقبل انى اتولى منصب وزارى لان دى حياة ناس وهتبقى فى ايدى وهتحاسب على كل حاجة الناس اللى انا مسئولة عنهم دول بيعانوا منها

لو قبلت منصب فى حياتى يكون خاص بدراستى يعنى اقدر انجز فيه ويكون علمى مش مسئولة عن بشر يعنى

20- انت من مدينة تحبها وتعشقها بكل مافيها فاذكر مدينتك وعبر عنها بكلمتين فقط؟

مدينتى هى مدينة المنصورة بمحافظة الدقهلية بجمهورية مصر العربية

فعلا انا بعشقها كل حاجة فيها بحبها بالنهار فى زحمتها وبالليل فى دفئها وسهرها وكل حاجة فيها واكيد ناسها طبعا وقت ما تكون مضايق تنزل تمشى ع المشاية يعنى تنزل تمشى ع النيل الله ع كدا جو احكيلكم ايه ولا ايه مدينت عروس النيل وبس

ــــــــــــــــــــــــــــــــــــــــــــــــــــ


شكرا صقر توبك حلو كتير بجد واحلى تقييم