إعلان هـــــــــــام نرجو من الجميع الإطلاع

السلام عليكم ورحمة الله وبركاته

بداية للى ما بيعرفنى انا رورو صديقتها لنونا

ونحنا اسسنا المنتدى سوا بس بسبب انشغالى تركت كل الحمل ع نونا لحالها

لكن بسبب كثرة المشاكل قررت انا ونونا

ان اتولى الادارة لفترة طبعا نونا راح تضل موجودة متل ما هى

لكن اى مشكلة راح يكون الحكى معى

ومن اليوم فى قوانين جديدة وانسوا انى اكون متل نونا

لان نونا قلبها طيب كتير وبسبب طيبتها ما بتعرف توقف حدا عند حده

المهم هاى هى القوانين :

نبدأ بسم الله

1 - اى شخص راح يسب يوسف بطريقة مباشرة

او غير مباشرة راح يكون برا المنتدى فورا بدون مناقشة .

2 - اى شخص بيغلط ع المديرين او المشرفين او المؤسسين

او اى عضو من الاعضاء الاخرين

كمان راح يكون برا المنتدى بدون نقاش دون النظر لرتبته فى المنتدى او اقدميته

يعنى تحترم حالك او تحترمى حالك اهلين بيكى فى منتدانا

راح تطول لسانك او تطولى لسانك راح تكونوا برا المنتدى فورا

3 - المشرفين العاميين والمشرفات العامات والمشرفات

والمراقبات كلهم لازم يقوموا بواجبهم واللى ما راح يقوم

بواجبه ونشوف مساهماته راح ينحرم من رتبته وهون بها

الموضوع كل المشرفات يجوا وكل مشرفة تختار قسم معين

او قسمين تكون مشرفة عليهم وراح تكون مسئولة امامى

عن هذا القسم واذا حصل فيه اى خطأ من موضوعات مكررة

او كلام خارج او روابط او موضوع غير مناسب للقسم

راح تتعرض لعقوبة واللى من المشرفات ما راح يقدر

ينفذ كل هاد يجى هون ويحكيلى اعفينى من الاشراف وانا بعفيه فورا



4 - ممنوع وضع الروابط منعا باتا شو ما كانت واللى

راح يوضعها راح يتعرض لعقوبة الايقاف فورا بدون تحذير

5 - علبة الدردشة راح يكون الها ضابط ورابط يعنى

راح راجع الارشيف يوميا واللى بلاقيه قال لفظ خارج

او تعدى ع زميله او جالس يحبلى او تحبلى فى غيرها

راح تنطرد من المنتدى لان المنتدى هون محترم واللى

بدو يتغزل ويحب يحب برا بعيد عنا

6 - الرسائل الخاصة مخصصة لنشر روابط الموضوعات

تبع منتدانا او لحل مشكلة خطيرة

مو مخصصة للحكى ع الاعضاء الاخرين او

للحب والغرام او للكلام الخارج فياليت

الكل يلتزم بهيك اشياء

7 - وهاد اهم شىء اذا ما لاحظت تحسن فى

المنتدى من ناحية الجميع اعضاء ومشرفين ومشرفات

ومشرف عام ومشرفة عامة راح نلغى المنتدى نهائيا

اما اذا صار تحسن راح ارجع لشغلى ودراستى وراح ترجعلكم نونا


ــــــــــــــــــــــــــــــــــــ

وهيك انتهيت

اتمنى يكون كلامى واضح والكل يلتزم فيه

واتمنى من المشرفات يجوا هون ع وجه السرعة

ويحكولى اى منتدى بدهم يكونوا المشرفات عليه

وشكــــــــــــــــــــرا