معنى فقدان الأم

ﻳﺎ ﺍﻟﻠﻪ ﻳﺎ ﺍﻟﻠﻲ ﻋﺎﻟﻢ ﻣﺎ ﺟﺮﺍﻟﻲ
ﻳﺎﺭﺏ ﻃﻪ ﻭﺭﺑﻲ ﻭﺭﺏ ﺍﻟﺒﻴﺖ

ﻳﺎ ﺍﻟﻮﺍﺣﺪ ﺍﻟﻤﻌﺒﻮﺩ ﻳﺎ ﻋﺰ ﻭﺍﻟﻲ
ﻳﺎ ﻟﻠﻲ ﺗﻤﻴﺖ ﺍﻟﺤﻲ ﺛﻢ ﺗﺤﻴﻲ ﺍﻟﻤﻴﺖ

ﺍﻟﻄﻒ ﺑﻌﺒﺪ ﻏﺮﺑﻠﺘﻪ ﺍﻟﻠﻴﺎﻟﻲ
ﺯﻭﺩ ﻋﻠﻰ ﺍﻟﻬﻮﺟﺎﺱ ﺣﻴﺮﺓ ﻭﺗﺸﺘﻴﺖ

ﺑﺎﺳﺒﺎﺏ ﻋﻠﻢ ﺃﺣﺴﺐ ﺇﻧﻪ ﺧﻴﺎﻟﻲ
ﺃﺛﺮﻩ ﺣﻘﻴﻘﺔ ﻭﺍﻟﺤﻘﻴﻘﺔ ﺗﺸﻘﻴﺖ

ﻣﻦ ﻳﻮﻣﻬﺎ ﻟﻠﻴﻮﻡ ﻣﺎ ﺍﺭﺗﺎﺡ ﺑﺎﻟﻲ
ﻭﻗﻠﺒﻲ ﺗﻔﺘﺖ ﺑﻴﻦ ﺍﻷ‌ﺿﻼ‌ﻉ ﺗﻔﺘﻴﺖ

ﻋﻠﻰ ﺍﻟﺬﻱ ﺗﺴﻮﻯ ﺟﻤﻴﻊ ﺍﻟﻐﻮﺍﻟﻲ
ﻫﻲ ﺩﻧﻴﺘﻲ ﻣﺎ ﻏﻴﺮﻫﺎ ﺍﻟﻠﻲ ﺗﻤﻨﻴﺖ

ﻗﺎﻟﻮﺍ ﺗﻮﻓﺖ ﻗﻠﺖ ﻭﺍﻋﺰ ﺗﺎﻟﻲ
ﻳﺎ ﻟﻴﺘﻨﻲ ﻣﻦ ﺩﻭﻥ سهام ﺗﻮﻓﻴﺖ
ﻭﺵ ﻋﺎﺩ ﻣﻦ ﺑﻌﺪ ﺍﻟﻌﺰﻳﺰﺓ ﺑﻘﺎ ﻟﻲ
ﻋﺰ ﺍﻟﻠﻪ ﺇﻧﻲ ﺑﻌﺪﻫﺎ ﻣﺎ ﺗﻬﻨﻴﺖ

ﺟﺎﻟﺲ ﻣﻊ ﺍﻟﻌﺎﻟﻢ ﻭﻛﻨﻲ ﻟﺤﺎﻟﻲ
ﺩﻭﻡ ﺃﺗﺬﻛﺮ ﺟﻠﺴﺔ ﺃﻣﻲ ﺑﻬﺎ ﺍﻟﺒﻴﺖ

ﻣﺮﻩ ﻫﻨﺎ ﺗﺠﻠﺲ ﻭﻣﺮﺓ ﻗﺒﺎﻟﻲ
ﻭﻣﺮﺓ ﺗﺠﻲ ﺟﻨﺒﻲ ﻭﻣﺮﺍﺕ ﻻ‌ﺟﻴﺖ

ﺍﻟﺒﻴﺖ ﻛﻨﻪ ﻋﻘﺒﻬﺎ ﻛﻮﺥ ﺧﺎﻟﻲ
ﻭﺍﻟﺤﺎﻝ ﻛﻨﻪ ﻋﻘﺒﻬﺎ ﻋﻮﺩ ﻛﺒﺮﻳﺖ

ﻭﺍﻟﺪﻣﻊ ﺳﺎﻝ ﻭﻻ‌ ﺑﻘﺎﻟﻲ ﻣﺠﺎﻟﻲ
ﻏﻴﺮ ﺃﺯﻋﺞ ﺍﻟﻮﻧﺎﺕ ﻷ‌ﺻﺒﺤﺖ ﻭﺃﻣﺴﻴﺖ

ﻗﺎﻟﻮﺍ ﺗﺼﺒﺮ ﻛﻠﻨﺎ ﻟﻠﺰﻭﺍﻟﻲ
ﻻ‌ﺑﺪ ﻳﺠﻴﻠﻚ ﻳﻮﻡ ﻭﻳﻘﺎﻝ ﻗﻔﻴﺖ

ﻗﻠﺖ ﺍﻟﺼﺒﺮ ﻋﻴﺎ ﻳﻄﻴﻖ ﺍﺣﺘﻤﺎﻟﻲ
ﺣﺎﻭﻟﺖ ﺃﻧﺎ ﺃﺻﺒﺮ ﺩﻭﻧﻬﺎ ﻟﻜﻦ ﺃﺯﺭﻳﺖ

ﻭﺷﻠﻮﻥ ﺃﺑﺎ ﺃﻧﺴﻰ ﻋﻤﺮﻱ ﺍﻟﻠﻲ ﻏﺪﺍﻟﻲ
ﻧﻮﺭ ﻳﻮﺟﻬﻨﻲ ﻟﻴﺎ ﺗﻬﺖ ﻭﺍﺧﻄﻴﺖ

ﺛﻢ ﻃﺎﺡ ﺳﻴﻔﻲ ﻭﺍﻧﻜﺴﺮ ﻛﻞ ﻋﺎﻟﻲ
ﻓﻲ ﻟﻴﻠﺔ ﺍﻻ‌ﺛﻨﻴﻦ ﻟﻮ ﻣﺎ ﺗﺸﻜﻴﺖ

ﻓﻲ ﻟﻴﻠﺔٍ ﺣﻜﻢ ﺍﻟﻘﺪﺭ ﻓﻴﻪ ﻣﺎﻟﻲ
ﻟﻴﻞ ﻋﻠﻰ ﻗﻠﺒﻲ ﻗﻀﻰ ﺑﺎﻟﺘﻨﺎﻫﻴﺖ

ﻻ‌ ﻋﺎﺩﻩ ﺍﻟﻠﻪ ﻟﻠﺤﺒﺎﻳﺐ ﻭﻻ‌ ﻟﻲ
ﻳﻮﻡ ﺧﺬﺍ سهام ﺣﻔﻈﺘﻪ ﻭﻻ‌ ﻧﺴﻴﺖ

ﻗﺒﻠﺘﻬﺎ ﻗﺒﻠﺔ ﻣﻮﺍﺩﻉ ﻟﻐﺎﻟﻲ
ﻋﻘﺐ ﺍﻟﻀﻤﺎ ﻣﻦ ﺩﻣﻊ ﻋﻴﻨﻲ ﺗﺮﻭﻳﺖ

ﻭﺩﻋﻴﺖ ﺭﺑﻲ ﻳﺎ ﻋﺰﻳﺰ ﺍﻟﺠﻼ‌ﻟﻲ
ﺑﻌﻄﻔﻚ ﻭﻟﻄﻔﻚ ﺗﺮﺣﻢ ﺃﻣﻲ ﻭﺻﺪﻳﺖ

ﻭﺃﻳﻘﻨﺖ ﻓﻲ ﻧﻔﺴﻲ ﻭﻗﻠﺒﻲ ﻗﺮﺍ ﻟﻲ
ﻣﻦ ﺻﻔﺤﺔ ﺃﻳﺎﻡ ﺍﻟﺰﻣﻦ ﻟﻮ ﺗﻨﺎﺳﻴﺖ

ﺇﻥ ﺍﻟﺒﺸﺮ ﻟﻠﺘﺮﺍﺏ ﻭﺍﻟﺠﺴﻢ ﺑﺎﻟﻲ
ﻭﺍﻟﻴﻮﻡ ﻣﺎﺗﺖ ﻫﻲ ﻭﺑﻜﺮﺓ ﺃﻧﺎ ﻣﻴﺖ

:شكرا:

:مم:

نورتم عزيزاتي ماننحرم منكن

:شكرا:

نورتم ي لباكم
ماننحرم

انرت وشرفت متصفحي المتواضع
لاعدمناك..~