ﻓﻲ ﻟﻴﻠﺔ ﻓﺮﺣﻬﺎ ﺗﺒﻜﻲ !!

ﻓﻲ ﻟﻴﻠﺔ ﻋﺮﺳﻬﺎ ﺗﺒﻜﻲ ..
ﺣﺰﻳﻨﻪ ﻭﻗﻠﺒﻬﺎ ﻳﺤﻜﻲ ..
ﻳﻘﻮﻝ ﺍﻟﺤﻤﺪ ﻟﻚ ﻳﺎﺭﺑﻲ ﻋﻠﻰ ﻛﻞ ﺣﺎﻝ ..
ﻋﻠﻰ ﺍﻟﺼﺤﻪ .. ﻋﻠﻰ ﺍﻟﻨﻌﻤﻪ ..
ﻋﻠﻰ ﻗﻠﺐٍ ﺷﻜﻰ ﻫﻤﻪ ..
ﻭﺻﺒﺮٍ ﻃﺎﻝ ..





ﺗﺠﻴﻬﺎ ﺃﻣﻬﺎ ﻭﺗﻘﻮﻝ ..
ﺧﻼ‌ﺹ ﻳﺎ ﺑﻨﻴّـﺘﻲ ﺇﻧﺴﻲ ..
ﻗﻮّﻱ ﻗﻠﺒﻚ ﺍﻟﺤﺎﻧﻲ ﻭﺇﻗﺴﻲ ..
ﻧﺼﻴﺒﻚ ﻫﻮ ﻧﺼﻴﺒﻚ ..
ﻣﺎ ﺑﻴﺪﻳﻨﺎ ﺷﻲ ..
ﻭﻟﻮ ﻛﺎﻥ ﺍﻟﻠﻪ ﻛﺎﺗﺐ ﻟﻚ ﺣﺒﻴﺒﻚ ..
ﻣﺎ ﻭﻗﻒ ﻓﻲ ﺩﺭﺑﻜﻢ ﺷﻲ ..

ﺃﺑﻲ ﺃﻋﺮﻑ ..
ﺃﺑﻮﻱ ﺷﻠّﻲ ﺍﺳﺘﻔﺎﺩﻩ ﺍﻟﺤﻴﻦ.. ؟!
ﻟﻮ ﺫﺍﺑﺤﻨﻲ ﻛﺎﻥ ﺍﺑﺮﻙ ..
ﻭﺯﻭﺟﻲ .. ﺍﺵ ﺫﻧﺒﻪ ﺍﻟﻤﺴﻜﻴﻦ؟
ﻳﻌﻴﺶ ﺑﺎﻗﻲ ﺍﻟﻌﻤﺮ .. ﻣﻊ ﺟﺜﻪ ﺗﺘﺤﺮﻙ !
ﻋﻠﻴﻚ ﺍﻟﻠﻪ ﻳﺎ ﻳﻤّﻪ .. ﻗﻮﻟﻴﻠﻲ ﺍﺷﻠﻮﻥ ﺍﺿﻤّﻪ .. ؟!
ﻭﺍﺫﺍ ﻭﺩّﻩ ﻳﻜﻠﻤﻨﻲ .. ﻭﺷﺎﻑ ﺩﻣﻮﻋﻲ ﻓـ ﻋﻴﻮﻧﻲ ..
ﻗﻮﻟﻲ ﺍﺷﻠﻮﻥ ﺍﻛﻠﻤﻪ .. ؟!
ﻭﺍﺫﺍ ﻧﺎﺩﺍﻧﻲ ﺑﺈﺳﻤﻲ ..
ﻭﺍﻧﺎ ﺃﺧﻄﻴﺖ ﻓﻲ ﺇﺳﻤﻪ ..
ﻳﺎ ﺗﺮﻯ ﻭﺵ ﻣﻮﻗﻔﻪ ﻣﻨﻲ ..
ﻭﻫﻮ ﻳﺴﻤﻊ ﺍﺳﻢ ﻏﻴﺮﻩ ؟!!
ﺑﻘﻮﻟﻚ ﺷﻲ ﻳﺎ ﻳﻤّﻪ .. ﻭﺧﻠﻴﻬﺎ ﻣﻦ ﺍﻷ‌ﺳﺮﺍﺭ ..
ﺃﺑﻜﺘﺐ ﻟﻪ ﺭﺳﺎﻟﺔ ﺷﻮﻕ ..
ﺑﺸﺎﻛﻴﻪ ﺍﻷ‌ﻟﻢ ﻭﺍﻟﻌﻮﻕ ..
ﻋﻘﺐ ﻣﺎ ﺃﻧﺘﻬﻲ ﻣﻨﻬﺎ ..
ﺑﻜﻞ ﺍﻟﺤﺮﺹ ﺃﺭﺳﻠﻴﻬﺎ ..
ﻭﺧﺒﻴﻬﺎ ﻋﻦ ﺍﻷ‌ﻧﻈﺎﺭ ..
ﻭﺍﺑﻲ ﻣﻨّﻚ ﻭﻋﺪ ﺻﺎﺩﻕ ..
ﺗﻮﺻﻠﻴﻬﺎ ﻟﺬﺍﻙ ﺍﻟﻤﻐﺮﻡ ﺍﻟﻌﺎﺷﻖ ..
ﻭﺑﻌﺪ ﻣﺎ ﻳﻮﺻﻠﻚ ﺭﺩّﻩ ..
ﻋﻠﻰ ﻃﻮﻝ ﺑﻠﻐﻴﻨﻲ ﺑﺂﺧﺮ ﺍﻷ‌ﺧﺒﺎﺭ ..




ﺃﺑﻜﺘﺐ ﻟﻪ ﻋﻦ ﺍﻟﻠﻲ ﻃﻔّﻰ ﻣﺎ ﻓﻲ ﺍﻟﻘﻠﺐ ﻭﻻ‌ﻋﻪ ..
ﺃﺑﻜﺘﺐ ﻟﻪ ﺍﻟﻴﻦ ﺩﻣﻊ ﺍﻟﻘﻠﻢ ﻣﺎ ﻳﺠﻒ ..
ﺗﻌﺎﻟﻲ ﺑﻌﺪﻫﺎ ﻭﺍﺳﺘﻠﻤﻲ ﻣﺎ ﻓﻲ ﺍﻟﻈﺮﻑ ..
ﻭﻛﺘﺒﺖ ﻣﻦ ﺣﺰﻧﻬﺎ ﺍﺑﻴﺎﺕ ..
ﺗﻘﻮﻝ ﻓﻴﻬﺎ ..



ﺳﻼ‌ﻣﺎﺗﻲ .. ﺗﺤﻴﺎﺗﻲ .. ﻭﺃﺷـﻮﺍﻗـﻲ ﺍﻟﺸﺪﻳﺪﻩ
ﻋﻠﻰ ﺍﻟﻠﻲ ﺭﻭﺣﻪ ﻗﺒﺎﻟﻲ .. ﻭﺃﻧﻔـﺎﺳـﻪ ﺑﻌﻴﺪﻩ


ﻋﻠﻰ ﺍﻟﻠﻲ ﺍﻓﺘﺮﻗﻨﺎ ﻏﺼﺐ ﻋﻦ ﻋﻴﻨـﻲ ﻭﻋﻴﻨﻪ
ﺑﻌﺪ ﻣﺎ ﻛﻨﺖ ﺍﻧﺎ ﻭﻫﻮ ﻧﺤﻠﻢ ﺑﻠﺤـﻈـﻪ ﺳﻌﻴﺪﻩ


ﺑﻌﻴﺶ ﺑﻐﺮﺑﺘﻲ ﻟﺤـﺎﻟـﻲ .. ﻭﻫـﻮ ﺍﻟﻠﻪ ﻳﻌﻴﻨﻪ
ﻳﻜﻤّﻞ ﻧﺼﻔﻪ ﺍﻟﺜﺎﻧﻲ .. ﻭﻳﻠـﻘـﻰ ﻣـﻦ ﺗﺮﻳﺪﻩ


ﻣﺜﻞ ﻣﺎ ﻗﺎﻟﺖ ﺍﻣـﻲ .. ﻣـﺎ ﻟـﻨـﺎ ﺇﻻ‌ ﻗﺪﺭﻧﺎ
ﻭﺍﻻ‌ ﻣـﻦ ﺯﻣـﺎﻥ ﺍﻟﻤﻔﺘـﺮﺽ ﺇﻳـﺪﻱ ﺑﺈﻳﺪﻩ


ﻳﺴﺎﻣﺤﻚ ﺍﻟﻠﻪ ﻳﺎﻟﻮﺍﻟـﺪ .. ﻋﻠـﻰ ﻋﻤـﺮٍ ﻗﺘﻠﺘﻪ
ﺑﻌﺪ ﻣﺎ ﻣﺎﺗﺖ ﺍﺑﻨﻴﺘـﻚ ﻭﺵ ﺍﻟﻠـﻲ ﺑﺘﺴﺘﻔﻴﺪﻩ ؟


ﺃﻧﺎ ﺁﺳﻔﻪ ﻋﻠﻰ ﺍﻋﺬﺍﺭﻱ .. ﻭﺭﺑﻲ ﻏﺼﺐ ﻋﻨﻲ
ﻧﻌﻢ ﺑﺘﺰﻭّﺝ ﻓﻼ‌ﻥ .. ﺑﺲ ﺑﻌﻴﺶ ﻋﻤﺮﻱ ﻭﺣﻴﺪﻩ


ﻣﺤّﺪ ﻣﻤﻜـﻦ ﺍﻧّـﻪ ﻳﻤﻼ‌ ﻋﻴـﻮﻧـﻲ ﺑﺪﻭﻧﻚ
ﺗﺬﻛّﺮ ﻛﻠﻤﺘﻲ ﻫـﺬﻱ .. ﺃﻧـﺎ ﻑـﻲ ﺣﺒّـﻚ ﺷﻬﻴﺪﻩ


ﺗﺬﻛّﺮ ﻛﻠﻤﺘﻲ ﺃﺭﺟـﻮﻙ .. ﻷ‌ﻧﻬـﺎ ﻣـﻦ ﻓﺆﺍﺩﻱ
ﻓﺆﺍﺩﻱ ﺍﻟﻠﻲ ﺫﺑﺤﻮﻩ ﺍﻟﻴﻮﻡ.. ﻭﻃﻌﻨﻮﻩ ﻓـﻲ ﻭﺭﻳﺪﻩ


ﺗﺬﻛّﺮ ﻛﻠﻤﺔٍ ﻓﻴﻬـﺎ ﺷـﻌﻮﺭﻱ ﻭﻣـﺎ ﻃـﺮﻯ ﻟﻲ
ﺃﻧﺎ ﻓـﻲ ﺣﺒﻚ ﺷﻬﻴﺪﻩ .. ﻭﺫﻱ ﺗﺮﻯ ﺁﺧﺮ ﻗﺼﻴﺪﻩ




ﻭﺟﺘﻬﺎ ﺍﻟﻮﺍﻟﺪﻩ ﻋﻨﺪﻫﺎ ..
ﻭﻫﻲ ﺗﺬﺭﻑ .. ﺩﻣﻮﻉٍ ﻧﺎﺭ ..
ﻋﻠﻰ ﻫﻮﻧﻚ ﻳﺎ ﻳﻤّﻪ ..
ﻋﻠﻰ ﻫﻮﻧﻚ ..
ﺧﻼ‌ﺹ ﺍﻃّﻤﻨﻲ ﺍﻧﺘﻲ ..
ﺑﺮﺳﻞ ﻣﺎ ﻛﺘﺒﺘﻲ ..
ﻭﺍﺳﺘﻌﺪّﻱ ..
ﺑﻌﺪ ﺷﻮﻱ ﺑﻴﺰﻓﻮﻧﻚ ..



ﻳﺰﻓﻮﻧﻲ ؟!!
ﻭﺭﺑﻲ ﻛﺎﻥ ﺃﻫﻮﻥ ﻟﻮ ﻳﻜﻔﻨﻮﻧﻲ .. !!
ﺑﻌﺪ ﺍﻳّﺎﻡ ..
ﺗﺴﺎﻓﺮ ﻻ‌ﺟﻞ ﺗﻘﻀﻲ ﻓﻲ ﻓﺮﻧﺴﺎ .. ﺷﻬﺮ ﺍﻟﻌﺴﻞ ..
ﻭﺍﻟﻤﻜﺘﻮﺏ ﻟﻠﻌﺎﺷﻖ ﻭﺻﻞ ..!
ﻭﻫﻲ ﻣﻊ ﺯﻭﺟﻬﺎ ﺗﻀﺤﻚ ..
ﻭﻫﻮ ﻣﻦ ﻓﺮﺣﺘﻪ ﻳﻀﺤﻚ ..
ﻳﻘﻮﻝ ﺍﻓﺪﻳﻚ ﺍﻧﺎ ﺑﺮﻭﺣﻲ ..
ﻭﺑﻴﺘﻲ .. ﻭﻣﺎﻟﻲ .. ﻭﺍﻷ‌ﻫﻞ ..
ﻭﻫﻲ ﺗﻘﻮﻝ ﺍﺷﻜﺮﻙ ﺑﺎﻟﺤﻴﻞ ..
ﻷ‌ﻧﻚ ﻣﻦ ﺟﺪﻳﺪ .. ﺭﺟّﻌﺖ ﻓﻲ ﻗﻠﺒﻲ ﺍﻷ‌ﻣﻞ ..
ﻭﺳﺎﻋﻪ ﺑﻌﺪ ﺳﺎﻋﻪ ..
ﻓﺮﺣﺘﻬﻢ ﺗﺰﻳﺪ ..
ﻓﻲ ﺍﻟﺼﺒﺢ ﻳﺘﺠﻮﻟﻮﻥ ﻣﻦ ﺑﺎﺭﻳﺲ .. ﻟﺤﺘﻰ ﻟﻴﻞ ..
ﻭﻓﻲ ﺍﻟﻔﻨﺪﻕ .. ﻳﺸﺮﺑﻮﻥ ﻗﻬﻮﻩ ﺑﺎﻟﻬﻴﻞ ..
ﺑﻌﺪﻫﺎ ﻳﺴﻬﺮﻭﻥ .. ﻛﻞ ﺍﻟﻠﻴﻞ ..



ﻭﺣﺎﻧﺖ ﺳﺎﻋﺔ ﺍﻟﺮﺟﻌﺔ ..
ﺑﻌﺪ ﻣﺎ ﻃﺎﻟﺖ ﺍﻟﻤﺪﺓ ..
ﻭﻣﻮﻋﺪﻫﻢ ﺑﻌﺪ ﺳﺎﻋﺎﺕ ..
ﻻ‌ﺟﻞ ﻣﺎ ﺗﻮﺻﻞ ﺍﻟﺮﺣﻠﻪ ﻋﻠﻰ ﺃﺭﺽ ﺍﻟﺪﻣﺎﻡ ..
ﻭﺃﻭﻝ ﻣﺎ ﻭﻃﻮﺍ ﺃﺭﺽ ﺍﻟﻤﻄﺎﺭ ..
ﻣﻦ ﺍﻟﻔﺮﺣﻪ ﺑﻜﻮﺍ ..
ﻭﺍﺳﺘﻘﺒﻠﻮﻫﻢ ﺃﻫﻠﻬﻢ ﺑﺎﺣﻀﺎﻧﻬﻢ ..
ﺳﻼ‌ﻣﺎﺕ .. ﺳﻼ‌ﻣﺎﺕ .. ﻋﺴﺎﻛﻢ ﺑﺲ ﺗﻬﻨﻴﺘﻮﺍ ..
ﻳﺠﺎﻭﺑﻬﻢ ... ﺍﻟﻠﻪ ﻳﺴﻠﻤﻜﻢ ..
ﻭﺍﻟﺤﻤــﺪ ﻟﻠﻪ ﺍﻟﻬﻨﺎ ﻓﻲ ﺣﺠﺮﻧﺎ ﺑﺎﺕ ..


ﺗﻄﻴﺮ ﺍﻟﺒﻨﺖ ﻧﺎﺣﻴﺔ ﺃﻣّﻬﺎ ..
ﺍﺷﺘﻘﺖ ﻟﻚ ﺣﻴﻞ ﻳﻤّﻪ ..
ﻭﻫﺎﺗﻲ ﺣﻀﻨﻚ ﺍﻟﺪﺍﻓﻲ ..
ﺗﺮﻯ ﻣﺸﺘﺎﻗﻪ ﺃﺿﻤّﻪ ..
ﻭﻋﻠﻤﻴﻨﻲ ﻋﻦ ﺍﺣﻮﺍﻟﻚ ..
ﻋﻦ ﺍﺧﺒﺎﺭﻙ .. ﻋﺴﺎﻙ ﺑﺨﻴﺮ ؟
ﺑﺨﻴﺮ ﻳﺎ ﺑﻨﻴّـﺘﻲ .. ﺩﺍﻣﻚ ﺑﺨﻴﺮ ..
ﺑﺲ ﻣﺎ ﺳﺄﻟﺘﻴﻨﻲ .. ؟!
ﺧﻴﺮ ﻳﺎ ﻳﻤّﻪ .. ﺧﻴﺮ ؟!
ﻧﺴﻴﺘﻲ ﺇﻧﻚ ﺍﺭﺳﻠﺘﻲ ﺭﺳﺎﻟﻪ ..
ﻗﺒﻞ ﻣﺎ ﺗﺮﺣﻠﻴﻦ ﺑﺨﻴﺮ ﻭﺳﻬﺎﻟﻪ .. ؟!
ﺻﺤﻴﺢ ... ﺗﻮﻧﻲ ﺗﺬﻛّﺮﺕ !!!
ﺃﺭﺳﻞ ﻟﻚ ﺟﻮﺍﺏ ..؟
ﺑﻌﺪ ﻣﺎ ﺍﺭﺳﻠﺘﻬﺎ ..
ﺻﺮﺕ ﺍﻧﺘﻈﺮ ﻣﻨّﻪ ﺧﻄﺎﺏ ..
ﻭﻣﺮّﺕ ﺍﻳﺎﻡ ﻭﻟﻴﺎﻟﻲ ﻭﺳﺎﻋﺎﺕ ..
ﺑﻌﺪ ﻣﺪّﻩ .. ﺷﻬﺮ ﺃﻭ ﻳﻤﻜﻦ ﺷﻮﻳﻪ ﻳﺰﻳﺪ ..
ﻟﻘﻴﺖ ﻧﻔﺲ ﺍﻟﺮﺳﺎﻟﻪ .. ﻋﻨﺪ ﺻﻨﺪﻭﻕ ﺍﻟﺒﺮﻳﺪ ..
ﺗﻘﻮﻝ : ﻟﻢ ﻳﻘﺮﺃﻫﺎ ﺃﺣﺪ .. !!
ﻗﻠﺖ ﺑﻨﻔﺴﻲ ﺍﺗﺄﻛّﺪ ..
ﻭﺻﻠﺖ ﻟﺒﺎﺏ ﺑﻴﺘﻬﻢ ..
ﻭﻛﻠّﻤﻨﻲ ﺍﺧﻮﻩ ﻣﺤﻤﺪ ..
ﻋﺮﻓﺘﻲ ﻟﻴﺶ ﻣﺎ ﻓﻲ ﺍﺣﺪ ﻗﺮﺍ ﺍﻻ‌ﺑﻴﺎﺕ .. ؟!
ﻓﻲ ﻧﻔﺲ ﺍﻟﻴﻮﻡ ﺍﻟﻠﻲ ﺇﻧﺘﻲ ﺗﺰﻭﺟﺘﻲ ..
ﻭﻛﻨﺘﻲ ﺣﻴﻞ ﻣﻐﺘﻤّﻪ ..
ﺣﺒﻴﺒﻚ ﻣﺎ ﻗﺪﺭ ﻳﺘﺤﻤّﻞ ﺍﻟﺼﺪﻣﻪ ..
ﻭ ﻣﻊ ﻛﻞ ﺍﻷ‌ﺳﻒ ... ﻣـــﺎﺕ !!!






ﻳﺎﻭﻳﻴﻴﻴﻞ ﺣﺎﺍﺍﺍﺍﻟﻲ ﻣﺴﻜﻴﻴﻴﻴﻦ
ﺍﻟﻠﻪ ﻳﻌﻴﻴﻴﻦ ﻛﻞ ﻣﻦ ﻳﺤﺐ


ﺭﺍﻗﺖ ﻟﻲ ﻭ ﻧﻘﻠﺘﻬﺎ ﻟﻜﻢ...
ﻭ ﺍﺗﻤﻨﻰ ﺍﻧﻬﺎ ﻧﺎﻟﺖ ﺍﻋﺠﺎﺑﻜﻢ

:شكرا:

كل الود والاحترام لمرورج الرائع
ماننحرم من كل رد مميز ونور رائع
دمتي. ..

جمال عبيرك دائم
بردك ونورك الدائم

..~

الله يعافيك
دائم منور
ماننحرم..~