ﻣﻞ ﻣﻨﻲ ﺍﻟﻘﻠﻢ ﻭﻣﻦ ﺍﻟﻘﻠﻢ ﻣﻠﻴﺖ
ﻋﻤﺖ ﻋﻴﻨﻪ ﻗﻠﻤﻨﻪ ﺍﻟﻤﺎ ﻧﻔﻊ ﺷِﻌﺮﻩ
ﺗﻌﺐ ﺣﺘﻪ ﺍﻟﺸِﻌﺮ ﻭﻳﻪ ﺍﻟﻌﺮﺍﻗﻴﻴﻦ
ﻭﺻﺎﺭ ﺑﺤﺎﻝ ﺍﻫﻠﻨﻪ ﻭﺑﺎﻟﻌﺮﺍﻕ ﺍﺩﺭﻩ
ﺭﺳﻤﺖ ﺣﺮﻭﻑ ﺍﻟﻌﺮﺍﻕ ﺑﺮﺳﻢ ﻓﻨﺎﻥ
ﻭﺟﻤﻌﺖ ﺍﺭﺑﻴﻞ ﻭﺍﻻﻧﺒﺎﺭ ﻭﺍﻟﺒﺼﺮﻩ
ﻭﮔﻠﺖ ﻻﺯﻡ ﺣﺮﻭﻓﻲ ﺗﻮﺣﺪ ﺍﻟﺨﻮّﺍﻥ
ﻣﺎ ﻣﻌﻘﻮﻟﻪ ﻫﻴﭻ ﺗﺼﻴﺮ ﻓﺪ ﻣﺮﻩ ﻭﺭﺩﻳﺖ ﻭﻟﮕﻴﺖ ﺩﻣﻮﻉ ﻋﺎﻟﻮﺟﻨﺎﺕ
ﺣﺮﻭﻑ ﺍﻟﻲ ﺭﺳﻤﺘﻬﻪ ﺍﻟﻴﻮﻡ ﻣﺘﻄﺸﺮﻩ
ﻛﺮﺩﺳﺘﺎﻥ ﺗﺤﭽﻲ ﺑﺰﻭﺩﻫﻪ ﻭﺗﮕﻮﻝ
ﺍﺣﻨﻪ ﺍﻟﻌﺎﺻﻤﻪ ﻭﺑﻐــﺪﺍﺩ ﻣﺘﺄﺧﺮﻩ
ﻭﺍﻻﻧﺒﺎﺭ ﺷﺎﻟﺖ ﺳﻴﻒ ﻋﺎﻟﺨﻮﺍﻥ
ﻟﻮ ﻟﻴﻪ ﺍﻟﺤﻜﻢ ﻟﻮﻓﻠّﺶ ﺍﻻﺳﺮﻩ
ﻭﺍﻟﺒﺼﺮﻩ ﺗﮕﻮﻝ ﺍﺣﻨﻪ ﻧﺮﻳﺪ ﺍﻗﻠﻴﻢ
ﻭﻣﻦ ﻧﻔﻂ ﺍﻟﻌﺮﺍﻕ ﺍﻟﻜُﻢ ﻓﻘﻂ ﻋُﺸﺮﻩ
ﻭﺷﻔﺖ ﻟﻠﻔﺘﻨﻪ ﻭﺍﻟﻠﻪ ﺍﻟﻌﺮﺍﻗﻴﻴﻦ
ﺩﻭﻥ ﺣﺮﻭﻑ ﺟﺮ ﻳﺎ ﻧﺎﺱ ﻣﻨﺠﺮّﻩ
ﻣﺬﺑﻮﺣﻪ ﺍﻟﻤﺤﺒﻪ ﻭﻧﺎﺱ ﺗﻜﺮﻩ ﻧﺎﺱ
ﺳﻮﻳﻪ ﺍﻟﻲ ﻳﺤﺐ ﻭﺍﻟﻘﺎﺑﺾ ﺍﻟﺠﻤﺮﻩ
ﺣﺘﻪ ﺍﻟﻮﺭﺩ ﻣﺎ ﻳﺮﺿﻪ ﺑﻌﺪ ﺑﺎﻟﻤﺎﻱ
ﻣﻦ ﺩﻣﻨﻪ ﺗﺮﻳﺪ ﺍﻟﻮﺭﺩﻩ ﻭﺍﻟﺸﺠﺮﻫﺮﻗﻢ ﺟﺒﻨﻪ ﻗﻴﺎﺳﻲ ﺑﺎﻟﻘﺘﻞ ﻭﺍﻟﻤﻮﺕ
ﻭﺻﺮﻧﻪ ﺍﻭﻝ ﺷﻌﺐ ﻧﺺ ﺍﻫﻠﻪ ﻣﺘﻬﺠﺮﻩ
ﻧﻬﺮ ﺩﺟﻠﻪ ﻳـﺎ ﻧﺎﺱ ﻣﻦ ﺍﻟﺠﺜﺚ ﻏﺮﮔﺎﻥ
ﺧﻠﻲ ﻧﻤﺪ ﺍﺩﻳﻨﻪ ﻟﺪﺟـــــــــﻠﻪ ﻭﺍﻧﺠﺮّﻩ
ﻋﻠﻰ ﺟﺜﺜﻨﻪ ﺍﺩﻭﺭ ﻫﺎﻟﻔﻀـــــــــــﺎﺋﻴﺎﺕ
ﻳﺎﻫﻮ ﺍﻟﻲ ﻳﺼــــﻮﺭ ﻳﺎﺧﺬ ﺍﻻﺟــــــﺮﻩ
ﻣﻌﺼﻮﺑﻪ ﺍﻟﻌـــــﻴﻮﻥ ﻣﭽﺘﻔﻪ ﺍﻻﻳﺪﻳﻦ
ﻭﺍﻧﻮﺍﻉ ﺍﻟﺮﺻﺎﺹ ﻳﭽﻮﺏ ﺑـــــﺼﺪﺭﻩ
ﻻ ﺍﻫﻠﻪ ﺍﺟﻮﻱ ﻭﭼــــــــﻔّﻨﻮﺍ ﺑﭽـــﻔﺎﻥ
ﻣﺠــــﻬﻮﻟﻪ ﺍﻟـــﻬﻮﻳﻪ ﻭﻣﻦ ﺩﺭﺓ ﺑﺄﻣﺮﻩ
ﺍﺫﺍ ﺍﻣّﻪ ﺍﻟــــﺤﻨﻮﻧﻪ ﺍﻟﺼﺎﻳﻤﻪ ﺑﺮﻣﻀﺎﻥ
ﻣﺎ ﺍﻛــــﻠﺖ ﺍﻛﻠﻬﻪ ﻭﺑﻘﺖ ﺗـــــــﻨﺘﻀﺮﻩ
ﺗﻨــــــﺘﻀﺮﻩ ﻳﺮﺩ ﻭﺗﺮﻳﺪ ﺗﺤــﺠﻲ ﻭﻳﺎﻩ
ﺍﺛﺎﺭﻱ ﺍﻟﻌﻴـــــــــﺪ ﻻﺯﻡ ﻳﻨﮕﻄﻊ ﻣﻬﺮﻩ
ﻻﻥ ﺑﺎﻋﺖ ﺫﻫﺒﻬﻪ ﺑﺸﺎﺭﻉ ﺍﻟﺼﻴﺎﻍ
ﺣﺘﻪ ﺗﺰﻭﺝ ﺍﺑﻨﻬﻪ ﺍﻟﻤﺎ ﻓﺮﺡ ﻋﻤﺮﻩ
ﻣﺎ ﻧﺎﻣﺖ ﺑﻘﺖ ﺳﻬﺮﺍﻧﻪ ﻛﻞ ﺍﻟﻴﻞ
ﺍﻳﺎ ﻟﻴﻞ ﺍﻟﻌﺮﺍﻕ ﺍﻟﻤﺎ ﺑﺰﻍ ﻓﺠﺮﻩ
ﻭﻣﺎ ﺟﺎﻫﻪ ﺻﺒﺮ ﻃﻠﻌﺖ ﺗﺪﻭﺭ ﻋﻠﻴﻪ
ﻣﺜﻞ ﻃﻠﻌﺔ ﺣﻤﺎﻣﻪ ﺑﻌﻴﻨﻬﻪ ﺍﻟﻌﺒﺮﻩ
ﻭﻣﺎ ﺷﺎﻓﺖ ﺍﺑﻨﻬﻪ ﻭﺟﺎﻫﻪ ﻣﻠﻚ ﺍﻟﻤﻮﺕ
ﺗﻌﺮﻑ ﺷﻨﻬﻲ ﻳﻌﻨﻲ ﺗﻤﻮﺕ ﺑﺎﻟﺤﺴﺮﻩ ؟؟
ﻣﻌﻨﺎﻫﺎ ﺍﻟﻔﺮﺡ ﺻﺎﻳﺮ ﻣﺜﻞ ﺭﺟﺎﻝ
ﺷﺎﻳﻞ ﻭﺭﺩﻩ ﺑﻴﺪﻩ ﻭﺧﻨﺠﺮ ﺑﻀﻬﺮﻩ
ﻣﻌﻨﺎﻫﺎ ﻋﺮﺍﻗﻚ ﻛﺎﺗﻞ ﻭﻣﻜﺘﻮﻝ
ﺳﻮﺩﻩ ﮔﻠﻮﺑﻬﻢ ﻭﻋﻘﻮﻝ ﻣﻔﺘﺮﻩ
ﻭﻛﻞ ﻫﺬﺍ ﻭﻳﮕﻠﻲ ﺍﺣﻨﻪ ﺍﻟﻌﺮﺍﻗﻴﻴﻦ
ﺳﻨﻪ ﻭﺷﻴﻌﻪ ﻋﺸﻨﻪ ﺍﻟﺤﻠﻮﻩ ﻭﺍﻟﻤﺮﻩ !!
ﻻ ﻭﺍﻟﻠﻪ ﭼﺬﺏ ﺍﺣﻨﻪ ﺍﻟﻌﺮﺍﻗﻴﻴﻦ
ﺳﻨﻪ ﻭﺷﻴﻌﻪ ﻣﺜﻞ ﺍﻟﻀﺮﻩ ﻋﺎﻟﻀﺮﻩ
ﻣﻠﻴﻨﻪ ﺍﻟﭽﺬﺏ ﻭﻟﻴﻤﺘﻪ ﻭﻟﻴﺎ ﺩﻭﺏ
ﻭﺍﻗﻊ ﺣﺎﻝ ﻻﺯﻡ ﻧﺨﻀﻊ ﻻﻣﺮﻩ
ﻣﻠﻴﻨﻪ ﺍﻟﭽﺬﺏ ﻭﻟﻴﻤﺘﻪ ﻭﻟﻴﺎ ﺩﻭﺏ
ﻗﺼﺎﻳﺪﻧﻪ ﺍﺟﺖ ﻟﻠﻨﺎﺱ ﻣﺘﺄﺧﺮﻩ
ﻧﻌﻢ ﺧﻮﺍﻥ ﺍﺣﻨـــــــــــــــــــــﻪ
ﻧﻌﻢ ﺧﻮّﺍﻥ ﺍﺣﻨﻪ ﻭﻳﺎﻙ ﺁﻧﻲ ﺑﻬﺎﻱ
ﺑﺲ ﻣﻮ ﻣﻦ ﺑﻌﺪ ﺗﻔﺠﻴﺮ ﺳﺎﻣﺮّﻩ
ﺑﻌﺪ ﺗﻔﺠﻴﺮ ﺳﺎﻣﺮّﻩ ﺍﻟﻌﺮﺍﻗﻴﻴﻦ
ﻣﺜﻞ ﻓﻠﻢ ﺍﻟﺮﻋﺐ ﻭﺩﻣﺎﻳﺘﻪ ﺍﻟﺤﻤﺮﻩ
ﻣﻮ ﻓﺘﻨﻪ ﺻﺤﻴﺢ ﺍﻟﺼﺎﻳﺮﻩ ﺍﺑّﻐﺪﺍﺩ
ﺳﻮﻧﺎﻣﻲ ﺍﻟﻔﺘﻦ ﺑﻐﺪﺍﺩ ﻣﻨﺘﺸﺮﻩ
ﻗﺘﻞ ﻣﻮ ﻋﺎﻟﻬﻮﻳﻪ ﻫﻮﺍﻱ ﻣﺘﻮﻫﻤﻴﻦ
ﺻﺎﺭﺕ ﻋﺎﻻﺳﻢ ﮔﺺ ﺭﺍﺳﻪ ﻭﻳﺸﻤﺮﻩ
ﻭﺍﻟﻴﮕﻠﻲ ﺗﺒﺎﻟﻎ ﺍﻧﺘﻪ ﺣﻴﻞ ﺑﻬﺎﻱ
ﺟﺒﺖ ﺣﺠﻪ ﻭﺩﻟﻴﻞ ﻭﻳﺎﻱ ﻫﺎﻟﻤﺮّﻩ
ﺍﺗﺤﺪﻩ ﺑﻜﺮ ﻭﺍﺗﺤﺪﻩ ﺍﺑﻮ ﺍﻟﺨﻄﺎﺏ
ﺍﻓﻦ ﻭﺍﺣﺪ ﺍﻟﺒﻴﻬُﻢ ﻳﻮﺻﻞ ﺍﻟﺜﻮﺭﻩ
ﻭﺍﺗﺤﺪﻩ ﻋﻠﻰ ﻭﺍﺗﺤﺪﻩ ﻫﻢ ﺣﺴﻴﻦ
ﺍﺫﺍ ﻓﻠﻮﺟﻪ ﻃﺒﻬﻪ ﻭﻣﻨﻜﺴﺮ ﺿﻬﺮﻩ
ﺻـــــــــﻔﺮ ﻛﻞ ﺍﻟﻨﺘﺎﻳﺞ ﻟﻠﻌﺮﺍﻗﻴﻴﻦ
ﺑﺲ ﺑﺎﻟﻔﺘﻨﻪ ﺟﺎﺑﻮﺍ ﻋﺸﺮﻩ ﻣﻦ ﻋﺸﺮﻩ
ﻫﺬﺍ ﻳﮕﻮﻝ ﺳﻨﻲ ﻧﺎﺻﺒﻲ ﺍﻏﺘﺎﻟﻮﻩ
ﻭﻫﺬﺍ ﻳﮕﻮﻝ ﺷﻴﻌﻲ ﺭﺍﻓﻀﻲ ﻧﻜﻔﺮﻩ
ﺿﻠّﻮﺍ ﺑﻬﺎﻟﺴﻮﺍﻟﻒ ﻳﺎ ﺧﺰﻱ ﻭﻳﺎ ﻋﺎﺭ
ﻭﺍﺳﺮﺍﺋﻴﻞ ﻋﻠﮕﺖ ﻧﺎﺭﻫﻪ ﺍﻟــــــﻜﺒﺮﻩ
ﻳﻮﻝ ﻭﻳﻦ ﺍﻟــــــــﺸﺮﻑ ﮔﺪﺍﻣﻜﻢ ﺑﻐﺪﺍﺩ
ﺷــــــﮕّﻮﺍ ﺛﻮﺑﻬﻪ ﻭﺍﺧﺬﻭﻫﻪ ﻣﺘﺄﺳﺮﻩ
ﻏﺘﺼﺒﻮﻫﻪ ﺍﻟﻜُﻔﺮ ... ﻣﺎ ﺗﺴﻤﻌﻮﻫﻪ ﺗﺼﻴﺢ
ﺁﻧﻪ ﺍﻡ ﺍﻟــــــــــــﺸﺮﻑ ﻭﺍﻟﻴﻮﻡ ﻣﻮ ﻋﺬﺭﻩ
ﺑﻌﺪ ﻭﺍﻟﻠﻪ ﻣﺎ ﻳــــــــــــــﻨﻔﻌﻨﻪ ﻗﻴﻞ ﻭﻗﺎﻝ
ﻻﺕ ﻛـــﻠﺸﻲ ﺍﻧﺘﻬﻪ ﻭﺍﻧﻜــــﺴﺮﺕ ﺍﻟﺠﺮّﻩ
ﻣﺮﺣﻮﻡ ﺍﻟـــــــﻌﺮﺍﻕ ﺍﺳﺘﺸﻬﺪ ﻣﻦ ﺳﻨﻴﻦ
ﻳﺎ ﻭﺳﻔﻪ ﺻﻔـــﺖ ﺃﺷﻼﺋﻪ ﻣـــــﺘﻨﺜﺮﻩ
ﻣﺘﻨـــﺜﺮﻩ ﺑﻤﺰﺍﺑﻞ ﻳﻤـــﻬﻪ ﻛﻮﻡ ﭼﻼﺏ
ﺍﻛﻠﺖ ﻣﻦ ﻟــــــﺤﻮﻣﻪ ﻭﻣﺎ ﺩﺭﺕ ﺳﺮّﻩ
ﺻــــﻴﺮ ﻭﻳﺎﻱ ﺑﺲ ﻫﺎﻟﻤﺮﻩ ﺍﺗﺮﺟﺎﻙ
ﻋﻴﺐ ﻣﻦ ﺍﻟــــــــــــﻌﺮﺍﻕ ﺍﻟﻴﻮﻡ ﻧﺘﺒﺮّﻩ
ﺻﻌﺒﻪ ﺑﻤﺰﺑﻠﻪ ﺟﺜﺔ ﺍﻟــــــــﻌﺮﺍﻕ ﺗﺼﻴﺮ
ﺧﻠﻲ ﻧﺸــــــــــﻴﻠﻪ ﻣﻨﻬﻪ ﻭﻧﺪﻓﻨﻪ ﺑﮕﺒﺮﻩ
ﺍﺗﻤﻨــــــــــــــــــــــــﻰ ﺍﻥ ﺗﻨﺎﻝ ﺍﻋﺠﺎﺑﻜﻢ
موضوع: اجمل شعر عن العراق الجريح 
الإثنين نوفمبر 19, 2012 3:08 pm
يسلمووو كتيررر على الموضوع 
اليومية
