ﺷﻌﺮ ﻋﻦ ﺍﻻﺳﻄﻮﺭﺓ ﺍﻟﻌﺎﻟﻤﻴﺔ ((ﺍﻟﻌﺮﺍﻕ))
*
*
*
ﻣﺜﻠﻚ ﻣﺎﻟﻜﻴﻨﻪ ﻭﻣﺎﺍﻇﻦ ﻧﻠﻜﻪ
ﻋﺮﺍﻕ ﻭﺑﻴﻚ ﻫﺬﻩ ﺍﻟﺮﻭﺡ ﻣﺘﻌﻠﻜﻪ
ﺷﺒﻜﻨﻲ ﺍﻟﻌﺸﻚ ﺑﻤﺤﺒﺘﻚ ﻭﻫﻨﻴﺎﻟﻪ ﺍﻟﻴﻌﻴﺶ ﺍﺑﺮﻭﺡ ﻣﺘﺸﺒﻜﻪ
ﻋﺮﺍﻕ ﻭﻳﺎﻭﻃﻦ ﻣﺜﻠﻚ ﺣﻤﻞ ﺍﻻﻡ ﻭﺗﺤﺪﻩ ﺍﻟﻤﻨﺎﻳﻪ ﻭﻣﺎﻧﻜﺮ ﻋﺸﻜﻪ
ﺗﺤﺰﻡ ﺑﺎﻻﻣﻞ ﻣﺎﻃﺎﺡ ﻣﻦ ﺍﻟﻀﻴﻢ ﻣﺪﻃﻮﻟﻪ ﺍﻋﻞ ﺟﺮﺣﻪ ﻭﺟﻠﺐ ﺑﻌﺮﻛﻪ
ﺍﻻﺻﻴﻞ ﺷﻤﺎ ﺗﻌﺐ ﺣﻴﻠﻪ ﻳﺮﺩ ﺍﺭﺩﻭﺩ ﻭﺷﻠﻮﻥ ﺍﻟﻜﺪﻳﺶ ﺑﻠﺤﻜﻪ ﻭﻳﺴﺒﻜﻪ
ﺍﺫﺍ ﺍﻧﻜﻠﺒﺖ ﺍﻟﺪﻧﻴﺎ ﻭﻣﺎ ﺑﻘﺖ ﻛﻴﻌﺎﻥ ﺑﺲ ﺍﻧﺘﻪ ﺍﻟﺘﻈﻞ ﻳﺎﻋﺮﺍﻗﻨﻪ ﻭﺗﺒﻘﻪ
ﻭﻳﻈﻞ ﻭﺟﻬﻚ ﺷﻤﺲ ﺗﻐﺰﻝ ﺿﻮﺍﻫﻪ ﺍﺷﻌﺎﺭ ﻭﺑﻨﺺ ﺍﻟﺴﻤﺎ ﺑﻜﻞ ﺣﻴﻦ ﻣﺘﻌﻠﻜﻪ
ﻭﻳﻈﻞ ﺻﻮﺗﻚ ﺿﻤﻴﺮ ﻟﻜﻞ ﺍﻟﺸﻌﺐ ﻣﻈﻠﻮﻡ ﻣﺎﺑﻜﺪﺭ ﻋﻠﻴﻪ ﺍﻟﻄﺎﻏﻲ ﻭﻳﺨﻨﻜﻪ
ﺍﺣﺒﻚ ﻭﺍﻟﻴﺤﺐ ﻫﻤﻪ ﻭﻋﺬﺍﺑﻪ ﺍﻳﺰﻳﺪ ﻟﻮﻃﺎﻟﺖ ﻋﻠﻴﻪ ﻭﺯﺍﺩﺕ ﺍﻟﻔﺮﻛﻪ
ﺟﺮﺣﻚ ﺑﺎﻟﻘﻠﺐ ﻣﺎ ﻃﺎﺏ ﻣﻦ ﺳﻨﻴﻦ ﻭﺍﻟﻠﻴﺎﻟﻲ ﺍﻟﺒﻌﺪ ﻋﻦ ﺩﺟﻠﻪ ﺍﺗﻐﻤﻜﻪ
ﻳﺎﺑﺤﺮ ﺍﻟﻤﻮﺩﻩ ﻗﻠﺒﻲ ﺑﻴﻚ ﺍﻳﻔﻮﺝ ﺍﺗﻮﺳﻞ ﺍﺑﺮﻭﺟﻚ ﺑﻠﻜﺖ ﺍﻳﻐﺮﻛﻪ
ﻫﻨﻴﺎﻟﻪ ﺍﻟﻴﻤﻮﺕ ﺑﺎﺭﺿﻚ ﻭﺭﺑﺤﺎﻥ ﻻﻥ ﺍﺭﺿﻚ ﺣﻨﻴﻨﻪ ﺑﻜﻞ
.
ﻭﻓﻪ ﺍﺗﺸﺒﻜﻪ
ﻳﺎﻋﺮﺍﻕ
ﺍﺗﻮﺍﺧﺬﺕ ﺍﻟﺤﻚ ﻋﻠﻴﻪ
ﻳﺎﻋﺮﺍﻕ ﺍﻟﻤﻮﺕ ﻳﻤﻰ
ﻭﺍﻧﺎ ﻭﺣﺪﻱ ﺷﻠﻮﻥ ﺑﻴﻪ؟
ﻳﺎﻋﺰﻳﺰ ﺍﺣﻼﻡ ﺭﻭﺣﻲ ﺍﻟﺘﻔﻦ ﺍﺑﺠﻒ ﺍﻟﻤﻨﻴﻪ
ﺳﺎﻋﻪ ﻭﻳﻔﺎﺭﻛﻨﻲ ﺻﻮﺗﻲ
ﻛﻮﻥ ﺍﺷﻮﻓﻚ ﻛﺒﻞ ﻣﻮﺗﻲ
ﺟﺎ ﺭﺟﻊ ﻋﻤﺮﻱ ﻟﺸﺒﺎﺑﻪ ﻭﺭﺩ ﻋﻤﺮ ﺛﺎﻧﻲ ﻻﺩﻳﻬﻪ
ﻳﺎﻋﺮﺍﻕ
ﻭﺩﺍﻋﺘﻚ ﻣﺎﻫﻤﻨﻲ ﻣﻮﺗﻲ ﺍﻧﺎ ﺍﻟﻤﻌﺬﺑﻨﻲ ﻫﻤﻚ
ﻣﻮﺣﺮﺍﻡ ﺍﻧﻤﻮﺕ ﻟﻜﻦ ﺍﻟﺤﺮﺍﻡ ﺍﻧﻤﻮﺕ ﻏﺮﺑﻪ ﺑﻌﻴﺪ ﻋﻨﻚ
ﻻﺍﻫﻞ ﻻﺭﺑﻊ ﻳﻤﻨﻪ
ﻻﻛﺼﺒﻨﻪ ﻭﻻﻧﺨﻠﻨﻪ
ﻟﻴﺶ ﺳﺎﻛﺖ ﻳﺎﻭﻃﻨﻪ ﻣﺎﺗﺮﻳﺪ ﺍﻧﻤﻮﺕ ﻳﻤﻚ؟؟
ﻳﺎﻣﻨﻴﻪ ﺍﺗﻤﻬﻠﻲ ﺍﺑﺮﻭﺣﻲ ﺛﻮﺍﻥ
ﺍﻧﺎ ﻛﻞ ﺍﻟﻲ ﺍﺭﻳﺪﻩ ﺗﻠﺚ ﺍﻣﺎﻧﻲ
ﺍﻻﻭﻟﻰﺍﺷﻤﻦ ﺷﻴﻠﺔ ﺍﻣﻲ ﻭﻛﻞ ﺍﺛﺮ ﻣﻨﻌﺪﻫﺎ ﺑﺎﻗﻲ
ﺍﻟﺜﺎﻧﻴﻪ ﺑﺪﺭﺏ ﺍﻟﺤﺒﻴﺒﻪ ﺍﺯﺭﻉ ﺍﺯﻫﺎﺭ ﺍﺷﺘﻴﺎﻗﻲ
ﺍﻟﺜﺎﻟﺜﻪ ﺑﻜﻞ ﺩﻣﻌﻲ ﺍﺳﻠﻢ ﻋﻞ ﻋﺮﺍﻕ ﻭﻛﻞ ﻋﺮﺍﻗﻴﻪ ﻭﻋﺮﺍﻗﻲ ﺗﻌﺎﻝ
ﺗﻌﺎﻝ ﺍﺯﺭﻉ ﺻﺤﺎﺭﻱ ﺍﻟﺸﻚ ﺑﺴﺎﺗﻴﻦ ﻭﺗﻌﺎﻝ ﺍﺭﺳﻢ ﺩﻡ ﻋﻴﻨﻲ ﺍﺑﺘﺴﺎﻣﺎﺕ
ﺗﻌﺎﻝ ﺍﻧﺜﺮ ﻣﺤﺒﻪ ﺍﺑﺪﺭﺏ ﺍﻟﺴﻨﻴﻦ ﻭﺭﺟﻌﻠﻲ ﺷﻌﺒﺮ ﻣﻦ ﻋﻤﺮﻱ ﻭﻓﺎﺕ
ﺗﻌﺎﻝ ﻭﺑﺎﻟﺸﻤﺲ ﻏﺮﻙ ﺍﻟﺮﻭﺍﺯﻳﻦ ﻭﻋﻼ ﺍﺧﺪﻭﺩﻱ ﺍﻟﺘﺤﺒﻚ ﺻﻴﺮ ﺑﻮﺳﺎﺕ
ﺗﻌﺎﻝ ﺍﻣﻄﺮ ﻣﺤﺒﻪ ﻭﺭﻭﺣﻲ ﻧﻬﺮﻳﻦ ﺍﻳﺘﻼﻛﻦ ﺑﺎﻟﻔﺮﺡ ﻭﺍﻟﺸﻮﻙ ﺭﻭﺟﺎﺕ
ﺗﺮﻑ ﺳﻴﻒ ﺍﻟﻬﺠﺮ ﺳﻮﺍﻧﻲ ﻧﺼﻴﻦ ﻋﻠﻲ ﺍﻟﺤﻚ ﺑﻘﺖ ﺑﺎﻟﺮﻭﺡ ﺳﺎﻋﺎﺕ
ﻋﺮﺍﻗﻲ ﺍﻧﺎ ﻭﻣﺤﺒﺘﻲ ﻣﻦ ﺍﻟﻔﺮﺍﺗﻴﻦ ﺍﺻﻠﻬﺎ ﻭﻟﻠﻄﻤﻊ ﻣﺎﺑﻴﻬﺎ ﻏﺎﻳﺎﺕ
ﻣﺎﻋﻴﻠﻦ ﻭﺍﻏﻴﻆ ﻭﺍﺣﻤﻞ ﺍﻟﺸﻴﻦ ﻭﺭﺑﺘﻨﻲ ﺍﻟﻤﺼﺎﻳﺐ ﺧﻮﺵ ﺗﺮﺑﺎﺕ
ﻣﺎﺍﻧﺸﺪ ﺣﺒﻴﺒﻲ ﺍﻟﺮﺍﺩﻧﻲ ﻭﻳﻦ ﻭﻻﻛﺼﺮ ﻋﻠﻴﻪ ﺑﻴﻮﻡ ﻛﻠﻔﺎﺕ
ﻋﺮﺍﻗﻴﻴﻦ ﺍﺣﻨﻪ ﻭﻣﻮﺵ ﻣﻦ ﻃﻴﻦ ﻣﺨﻠﻮﻗﻴﻦ ﻣﻦ ﺣﺐ ﻭﻛﺮﺍﻣﺎﺕ
ﻭﻻﻥ ﻋﺮﻭﻛﻪ ﺑﻜﻠﻮﺏ ﺍﻟﻤﺤﺒﻴﻦ ﻳﻈﻞ ﻭﺍﻛﻒ ﻧﺨﻠﻨﻪ ﺣﺘﻰ ﻟﻮ ﻣﺎﺕ
...
لكم ودي
موضوع: شعر عن الاسطوره العالميه..العراق.. 
الإثنين نوفمبر 19, 2012 3:15 pm
اليومية
